×
  • Lajme
  • Ekonomi
  • Financa

    Kaq para shpenzuan zëvendësat dhe këshilltarët e tij për katër muaj

    FrontOnline
    19 Qershor 2020

    Mbi 140 mijë euro janë shpenzuar nga Albin Kurti dhe këshilltarët e tij dhe zëvendëskryeministrat për katër muaj. Gazeta Express ka siguruar të dhënat  përmes kërkesës për qasje në dokumente publike dhe u sjell detaje mbi shpenzimet që kanë bërë ata për udhëtime jashtë vendit, karburante, dreka zyrtare e telefona.

    Më 3 shkurt të këtij viti, Albin Kurti erdhi në krye të Qeverisë së re. Por, qëndrimi në këtë pozitë nuk i zgjati edhe shumë.

    Pas më shumë se një muaji nga dita që u zgjodh kryeministër, me 82 vota për, 32 kundër dhe një abstenim, deputetët votuan pro mocionit të mosbesimit të qeverisë, duke e shkarkuar kështu qeverinë e udhëhequr nga Kurti.

    Por, gjatë kohës sa ishte në krye të ekzekutivit, Kurti dhe këshilltarët e tij i kanë shpenzuar buxhetit mijëra euro. Gazeta Express ka siguruar të dhënat mbi shpenzimet e Kabinetit të Kurti, përmes kërkesës për qasje në dokumente publike.

    Sipas dokumenteve të siguruara përmes kësaj kërkese, Albin Kurti, Haki Abazi, Erzen Vraniqi, Milot Cakaj, Avdullah Hoti (i shkarkuar nga Kurti pas votimit për rrëzimin e Qeverisë), Ardita Dushi e Gazmend Qorraj, i kanë shpenzuar buxhetit të shtetit afër 12 mijë euro brenda katër muajve. Nga kjo shumë, pesë mijë euro figuron se janë shpenzuar nga Kurti.

    Pas Kurtit, me shpenzime renditet këshilltari i tij Erzen Vraniqi, pasuar nga ish zëvendëskryeministri Avdullah Hoti.

    Më së shumti shpenzime po del të jenë bërë për paga, karburante për vetura dhe dreka zyrtare, saktësisht 81 mijë e 387 euro.

    Vetëm për një drekë më 29 shkurt në Prevallë, ku kabineti qeveritar kishin shkuar për të harmonizuar marrëveshjen për koalicionin qeverisës, ishin shpenzuar mbi 1 mijë e 300 euro.

    “Te kategoria “drekat zyrtare” përfshihen shpenzimet për tërë kabinetin përkatës, gjithashtu te ZvK Haki Abazi është përfshirë edhe dreka në restaurant Sharri në vlerë 1 mijë e 375 euro”, thuhet në sqarimin e Zyrës së Kryeministrit.

    Një shumë jo e vogël parash janë shpenzuar edhe për udhëtimet jashtë vendit. Shpenzimet gjatë udhëtimeve zyrtare, mëditjet dhe akomodimi gjatë këtyre udhëtimeve kanë kushtuar mbi 10 mijë euro, derisa për shërbime telefonike janë shpenzuar rreth 4 mijë euro.

    Ndryshe, me 82 për, 32 kundër dhe një abstenim, deputetët e Kuvendit të Kosovës votuan më 25 mars, pro mocionit të mosbesimit të qeverisë, duke e shkarkuar kështu qeverinë e udhëhequr nga Albin Kurti i partisë Vetëvendosja

    Mocioni i mosbesimit ndaj qeverisë Kurti u inicua nga partneri i koalicionit me Kurtin, Lidhja Demokratike e Kosovës (LDK) pas një serie përplasjesh mes dy partive. Të gjitha grupet e tjera parlamentare në Kuvendin e Kosovës, përfshirë edhe listën Srpska votuan pro mocionit të mosbesimit e kundër qeverisë Kurti, duke e lënë të vetme Vetëvendosjen.

    Pas shkarkimit të tij, në krye të ekzekutivit u zgjodh dikur zëvendësi i Kurtit, Avdullah Hoti.

    Vlera Devolli bashkë me liderin e CDU-së në promovimin e Sara Rosner
    Nga Rubrika
    Ekonomi27 Shkurt 2024
    Në Bruksel ka përfunduar takimi i përbashkët mes ekspertëve financiarë të Kosovës dhe Serbisë, nën ndërmjetësimin e emisarit evropian për dialogun, Mirosllav...
    Lajme27 Shkurt 2024
    Kryetari i Prishtinës, Përparim Rama u shpreh se sot i drejtohet qytetarëve, pasi që siç tha ai “mjaftueshëm i jemi drejtuar njëri-tjetrit...
    Kronika27 Shkurt 2024
    Policia e Kosovës po kërkon bashkëpunimin e qytetarëve për të arrestuar një femër në Prishtinë. E dyshuara kërkohet për përfshirje në një...
    Të tjera
    Lajme27 Shkurt 2024
    Kryenegociatori i Serbisë në dialogun me Kosovën, Petar Petkoviq, theksoi se takimi i sotëm ishte i vështirë dhe shtoi se me praninë...
    Lajme27 Shkurt 2024
    Dogana e Kosovës ka konfiskuar 90 palë atlete, që dyshohet se janë të falsifikuara si “NIKE”, “ADIDAS” e “AIR JORDAN”. Siç njofton...
    Sport27 Shkurt 2024
    Klubi katalunas, Barcelona ende shpreson në titullin kampion në La Liga për sezonin 2024/25 dhe kështu i ka vendosur vetes një objektiv...
    Bota/Rajoni27 Shkurt 2024
    Një tërmet me magnitudë 4.6 Rihter tronditi Turqinë pasditen e së martës. Sipas informacioneve të fundit të publikuara nga AFAD, tërmeti ndodh...
    Ekonomi27 Shkurt 2024
    Ish-zv/guvernatori i Bankës Qendrore të Kosovës, Fatmir Gashi ka deklaruar se çështja e dinarit nuk është dashtë të bëhet pjesë e dialogut....
    Bota/Rajoni27 Shkurt 2024
    Komisioneri Evropian për Zgjerim, Oliver Varhelyi tha sot pas takimit me presidentin malazez, Jakov Milatoviq se Mali i Zi është vendi kandidat...

    FrontOnline, © 2024 Të gjitha të drejtat e rezervuara.