Interi e ka regjistruar një fitore madhështore në kuadër të elitës së futbollit italian.
Në “Giuseppe Meazza”, skuadra e Simone Inzaghit ishte sot nikoqire e Bolognës, shkruan FrontOnline.
Në ndeshjen e vlefshme për javën e katërt në Serie A, Interi fitoi me rezultat të thellë 6:1.
Martinez (‘6), Skriniar (’30), Barella (’34), Vecino (’54) dhe Dzeko (’63,’68) shënuan sonte për Interin.
Kurse, golin e vetëm dhe të nderit për mysafirët e realizoi Theate në minutën e 86-të.
Pas katër javësh, Interi renditet në vendin e parë në tabelë me dhjetë pikë, kurse Bologna në vendin e shtatë me shtatë pikë./FrontOnline/