Gjatë 24 orëve të kaluara, India i ka regjistruar 14,933 raste të reja të koronavirusit. Numri i përgjithshëm i të infektuarve shkoi në 440,215 persona.

Përpos infektimeve, gjatë kësaj periudhe u shënuan edhe 312 viktima dhe shifra e përgjithshme e personave të vdekur nga sëmundja e re shkoi në 14,011, bëri të ditur Ministria e Shëndetësisë.

India ndodhet në vendin e katërt në botë për numrin më të madh të rasteve dhe për gjashtë ditë me radhë ka shënuar mbi 12,000 raste për 24 orë, shkruan “CNN”.

Sipas Ministrisë së Shëndetësisë, më shumë se 248 mijë persona tashmë janë shëruar dhe janë liruar nga spitalet në shtetin me 1.3 miliard banorë.

Këshilli Indian për Hulumtime Mjekësore ka bërë të ditur se mbi 7.1 milionë njerëz deri më tani janë testuar për koronavirus në mbarë vendin.