×
  • Lajme
  • Kronika
  • Kronika

    I akuzuari për vrasjen në AKI pranon fajësinë për rrëmbim dhe armëmbajtje pa leje, por jo për vrasjen e Isa Sejdiut

    FrontOnline
    11 Shtator 2020

    I akuzuari për vrasjen e Isa Sejdiut brenda Agjencisë Kosovare për Inteligjencë (AKI), Valon Iberdemaj ka pranuar dy nga veprat penale për çka ishte i akuzuar nga Prokuroria e Prishtinës dy vite më parë.

    Iberdemaj akuzohet se në shtator të vitit 2018, në objektin e AKI-së kishte privuar nga jeta Isa Sejdiun.

    Më pas sipas Prokurorisë, ai dyshohet se e kishe rrëmber një punonjëse të AKI-së, të cilën e kishte liruar pasi që kishte arritur te vetura e tij që gjendej në parkingun e AKI-së.

    Në seancën e mbyllur për publikun të mbajtur në fund të muajit qershor, Ibërdemaj ka pranuar fajin për dy nga veprat për të cilat ngarkohet.

    Në procesverbalin që ka siguruar gazeta Objektiv, Iberdamaj thotë se e pranon fajësinë për rrëmbim dhe armëmbajtje pa leje, por jo edhe për vrasje.

    “Pas konsultimit të mjaftueshëm me mbrojtësin tim deklarohem fajtorë rrethë pikës dy të diapozitivit të aktakuzës, e që ka të bëj për veprën penale Rrëmbim dhe zonjës B.. i shprehi keqardhje për gjithçka që ka ndodh”

    Këtë e ka konfirmuar përmes telefonit edhe prokurori i rastit, Ilaz Beqiri i cili tha se janë në fazën e shqyrtimit kryesor të këtij rasti.

    “Dy vepra penale i ka pranuar, tash kanë me dëshmua vetëm dëshmitarët që janë për vrasje në këtë rast”, tha Beqiri.

    Por, gruaja e të ndjerit Isa Sejdiu, Besa Sejdiu tha për gazetën Objektiv se nëse i akuzuari Valon Iberdemaj ka pasur probleme psiqike, atëherë për këtë duhet të marrë përgjegjësi AKI-ja.

    Ajo po ashtu shprehet e zhgënjyer me zvarritjen e këtij rasti nga ana e organeve të drejtësisë.

    “Ata po mundohen me thanë kinse nuk ka qenë Valoni në gjendje të mirë shëndetësore e që ka pas probleme psikike, nëse ka pas probleme vërtet atëherë barra bie mbi AKI. Qe dy vjet jemi ende të shokuar, asnjë motiv dhe asnjë shkak nuk e po e dimë pse ”, theksoi Sejdiu.

    Në anën tjetër, prokurori i rastit tha se pas ekzaminimit psikiatrik që i është bërë Iberdemajt, ky i fundit duhet të jetë i përgjegjshëm për veprën që e ka kryer.

    ‘Valoni nuk u kanë bash mirë, por është i përgjegjshëm. Ju ka bo ekzaminimi psikiatrik ka dalë që i ka disa telashe, por ka qenë penalisht i përgjegjshëm kur e ka kryer veprën penale, potencoi Beqiri.

    Edhe avokati i familjes Sejdiu, Skender Musa është i bindur që i akuzuari është fajtor për vrasjen e kolegut të tij të punës brenda objektit të AKI-së.

    ”Vrasja ka qenë e paramenduar dhe është bërë me vullnet të plotë, ekziston dashja direkte, ekziston motivi i hakmarrjes. Pretendimet e mbrojtës i kuptojmë pasi secili i akuzuar ka dëshirë të përdorë të gjitha gjërat që ka pas telashe shëndetësore, por raporti tregon që ai është i aftë”, theksoi Musa.

    Gazeta Objetkiv ka tentuar gjatë ditës të marrë një deklaratë edhe nga avokati i Valon Iberdemajt, Besnik Berisha, por ky i fundit nuk ka qenë i qasshëm në telefon.

    Ndaj Iberdemajt është ngritur aktakuzë nga Prokuroria për vrasje të rëndë, rrëmbim dhe armëmbajtje pa leje. Ndërkohë, seanca e radhës për këtë rast pritet të mbahet të martën, e ku pritet të dëshmojnë dëshmitarët B.B dhe R.I.

    Petrol Company thyen rekordet me: çmimet, kualitetin dhe aktivitetet
    Nga Rubrika
    Lajme25 Qershor 2024
    Bashkimi Evropian (BE) një vit më parë patë vendosur masa ndëshkuese ndaj Kosovës për shkak të përshkallëzimit të situatës së sigurisë në...
    Lajme25 Qershor 2024
    Qeveria e Kosovës e sheh shqetësuese dhe të pakuptimtë faktin që edhe pas 9 muajsh që kur u krye sulmi terrorist ndaj...
    Lajme25 Qershor 2024
    Deputeti katalunas Eduard Pujol Bonell ka marrë fjalën për të prezantuar në Parlamentin e Spanjës propozimin e “Junts” që Qeveria e Spanjës...
    Të tjera
    Lajme25 Qershor 2024
    Ministrja e Punëve të Jashtme dhe Diasporës, Donika Gërvalla, e ka filluar vizitën zyrtare në Strasburg të Francës. Në njoftimin e lëshuar...
    Vip25 Qershor 2024
    Jennifer Lopez ka udhëtuar në Evropë me aeroplan komercial pas disa goditjeve financiare dhe anuloi turneun e saj mes probleme martesore me...
    Sport25 Qershor 2024
    Holanda dhe Austria zhvillojnë ndeshjet e tyre të fundit në kuadër të fazës së grupeve në Euro 2024, përkatësisht Grupin D. Ndeshja...
    Lajme25 Qershor 2024
    Është hapur sërish grupi “Albkings”, i cili po publikon foto e video intime, por edhe të dhënat personale të grave e vajzave....
    Bota/Rajoni25 Qershor 2024
    Në raundin e tretë të referendumeve kombëtare, të planifikuar për 22 shtator 2024, qytetarët zviceranë do të votojnë për reformën e pensioneve...
    Bota/Rajoni25 Qershor 2024
    Policia ka hapur zjarr ndaj protestuesve jashtë parlamentit të Kenias teksa ata tentuan të sulmonin ndërtesën ndërsa deputetët brenda miratuan një legjislacion...

    FrontOnline, © 2024 Të gjitha të drejtat e rezervuara.