Deputeti i PDK-së, Enver Hoxhaj në seancën ku po raporton kryeministri Avdullah Hoti për takimin e tij në Bruksel në kuadër të dialogut Kosovë-Serbi, ka thënë se po ndjen keqardhje për kryeministrin Hoti.
“Nuk pata përshtypje që dëgjuam diçka të re nga ai takim. Vullneti i kryeministrit dhe qeverisë që të na informoi neve se çfarë po ndodh në Bruksel është jetike
Si deputet i opozitës dhe si një njeri që ka qenë gjatë në këtë proces, ma shumë po ndjej keqardhje sesa me pas motiv të brendshëm të ushtrimit të një kritike të mirëfilltë”, ka thënë Hoxhaj.
Hoxhaj ka folur edhe për emërimin e koordinatorit shtetëror për dialog, Skender Hyseni, duke thënë se është përzgjedhje e mirë pasi që sipas tij, Hyseni është i mbi kualifikuar.
Hoxhaj tutje ka thënë se është shqetësuese mos koordinimi i partnerëve të koalicionit për përzgjedhjen e koordinatorit.
“Nëse partnerët e koalicionit nuk mund të koordinohen për ta zgjedh koordinatorin, dhe koordinatori shkon e përfaqëson Kosovën në raport me Serbinë imagjinoni peshën e koordinatorit.
Kemi hy në një proces ku më i rëndësishëm është rruga që e bëjmë sesa qëllimi”, tha Hoxhaj.
Hoxhaj shtoi se kryeministri Hoti po shkon në dialog pa strategji, dhe kjo nuk është e mirë.
https://www.facebook.com/FrontOnlineMedia/videos/2623184581282143/?eid=ARBaRk9nRax1ebt8G–85smiwI7aLsZ7qiv8upcIVM4jOAEfp23HkK7_lXgrn0M1wgAmBBQ7j67P79tC
