×
  • Lajme
  • Ekonomi
  • Ekonomi

    Hoti premton mbështetje për ndërmarrjen “Ferronikeli”, thotë se ka rëndësi strategjike për vendin

    FrontOnline
    25 Korrik 2020

    Kryeministri i Kosovës, Avdullah Hoti ka vizituar edhe ndërmarrjen “Ferronikeli” në Drenas, ku është pritur edhe nga kryetari i kësaj komune, Ramiz Lladrovci. Nga aty shefi i ekzekutivit ka premtuar se kjo ndërmarrje do të ketë të gjithë mbështetjen e Qeverisë së tij.

    Ai ka shtuar se ndërmarrja “Ferronikeli” ka rëndësi strategjike për Kosovën.

    “Erdhëm të bisedojmë për mbarëvajtjen e punëve në këtë kompani, e cila ka rëndësi strategjike për Kosovën, për shkak të nivelit ta lartë të eksporteve që ka. Biseduam për disa prej çështjeve që ne mundë të ndihmojmë këtë kompani…Sa na përket neve si Qeveri bashkë me komunën do të ketë të gjithë mbështetjen e nevojshme brenda kornizës ligjore që ne na lejon për të mbështetur këtë kompani”, ka thënë Hoti.

    Kryetari i komunës së Drenasit, Ramiz Lladrovci u shpreh i gatshëm që si komunë, të ndihmojnë këtë ndërmarrje.

    “Ne i kemi mbështet dhe vazhdojmë t’i mbështesim duke i ndihmuar që këta të vazhdojnë të prodhojnë dhe duke kërkuar nga ta që të ruajnë numrin e punëtorëve sepse është edhe në interes të komunës sa i përket ruajtjes së numrit të punëtorëve”, ka thënë Lladrovci.

    Të njëjtën përkrahje ka ofruar edhe ministri i Ekonomisë dhe Ambientit, Blerim Kuçi, i cili ka thënë se do të ndihmojnë këtë ndërmarrje në kuadër të programit për rimëkëmbje ekonomike.

    “Në kuadër të programit për rimëkëmbje ekonomike do të gjejmë mundësinë me ndihmu përmes lehtësirave që janë paraparë edhe me program ato tani kanë kaluar në kuvend dhe presim që kuvendi ta kryej punën e vetë”, ka thënë Hoti.

    Ndërsa, pronari i ndërmarrjes “Ferronikel”, Samir Mane, duke shpalosur problemet me të cilat po ballafaqohen për shkak të pandemisë, ka kërkuar mbështetje nga Qeveria Hoti.

    “Koha nuk është më e mira për Feronikelin por ne do të bëjmë atë që na takon për të depërtuar në tregjet ndërkombëtare, çmimi për momentin është i ulët por besoj që ekonomia botërore do të ngritet, të paktën për ato që i takojnë qeverisë do të isha shumë mirënjohës sikur problematikat që kemi ngritur sot, të adresohet aty ku duhet siç duhet dhe natyrisht në kohën e duhur”, ka thënë ai.

    Ndryshe, kryeministri Hoti ka vizituar edhe një kompani në komunën e Ferizajt, ku ka thënë se në momentin që Kuvendi miraton rishikimin e buxhetit, do të nisin mbështetjen për sektorin privat.

    Nga Rubrika
    Lajme11 Maj 2025
    Kryetari aktual i Komunës së Drenasit, Ramiz Lladrovci, derisa ka folur për FrontOnline ka lënë të hapur mundësinë e rikandidimit për një...
    Lajme11 Maj 2025
    Kryetari i Komunës së Klinës, Zenun Elezaj, për FrontOnline ka konfirmuar se do të jetë sërish kandidat për kryetar në zgjedhjet lokale...
    Lajme11 Maj 2025
    Policia dje ka pranuar informatë nga një qytetar atje se gjatë riparimit të ulesës së veturës së tij në Kamenicë, ka gjetur...
    Të tjera
    Bota/Rajoni11 Maj 2025
    Në qarkun e Kukësit, të drejtën për të votuar po e ushtrojnë edhe qytetarë nga Kosova të cilët janë pajisur me shtetësinë...
    Lajme11 Maj 2025
    Kryetari aktual i Komunës së Malishevës, Ekrem Kastrati, për FrontOnline ka deklaruar se ende nuk është marrë një vendim për kandidatin e...
    Sport11 Maj 2025
    Ekipi i vajzave të Kosovës në karate ka fituar medalje të bronztë në Kampionatin Evropian të Karatesë që po mbahet në Yerevan të Armenisë. ...
    Lajme11 Maj 2025
    As pas tentativës së 14-të nuk është arritur konsitutimi i Kuvendit të Kosovës. Mospajtimet mes Lëvizjes Vetëvendosje dhe opozitës rreth emrit të...
    Lajme11 Maj 2025
    Me afrimin e zgjedhjeve lokale që pritet të mbahen në vjeshtën e këtij viti, partitë politike në Kosovë kanë nisur përgatitjet e...
    Vip11 Maj 2025
    Ish-Miss Kosova dhe sipërmarrësja e njohur, Agnesa Vuthaj, ka reaguar për herë të parë pas vdekjes tragjike të kreatorit të modës, Festim...
    -->

    FrontOnline, © 2025 Të gjitha të drejtat e rezervuara.