Kryeministri i Kosovës, Avdullah Hoti, sot ka takuar kryetarin e Komunës së Deçanit, Bashkim Ramosajn. Pas këtij takimi, Hoti ka kërkuar të respektohet Ligji për rrugën te Manastiri i Deçanit.

Hoti ka thënë se janë duke punuar po ashtu që te gjendet një zgjidhje për këtë rrugë, e cila sipas tij, është e rëndësishme për banorët e Deçanit.

“Diskutuam për çështje të rëndësishme, për ekonomi, për zhvillimin ekonomik lokal të Deçanit dhe në veçanti për rrugën tek Manastiri. Ne kemi kulturë institucionale për të respektuar ligjet që janë nxjerrë nga Kuvendi i Kosovës. Por jemi këtu edhe të gjetur zgjidhje për banorët e Deçanit dhe për të ruajtur objektet kulturore, jam i bindur që gjatë javës në vazhdim të gjejmë zgjidhje”, tha Hoti.

Ndërsa, kryetari i Deçanit Bashkim Ramosaj, tha se është në interes që rrugët të vazhdohet por janë të përkushtuar dhe në rrugë të mirë që të gjejnë zgjidhje sa i përket punimeve në këtë rrugë.

Në takimin nëdrmjet Hotit e Ramosaj, i pranishëm ka qenë edhe komandati i KFOR-it , Michele Rissi.

Aktgjykimi i Gjykatës Kushtetuese, i vitit 2016, kishte sjellë si efekt bartjen e 24 hektarëve tokë në pronësi të manastirit.