Qeveria e Kantonit Bazelland ka aprovuar më në fund kërkesën për natyralizim të kosovarit Hamdi Halili, shkruan albinfo.ch.

Sipas Qeverisë së Kantonit, kosovari duhej të ishte natyralizuar. “Të gjitha kërkesat janë përmbushur” thuhet në vendim.

Siç ka shkruar edhe albinfo.ch, më 21 dhjetor të vitit të kaluar, Asambleja e Qytetarëve të Bubendorfit pati refuzuar për herë të dytë natyralizimin e kosovarit vendas Hamdi Halili. Arsyeja për këtë refuzim ishte befasuese për faktin se mungonte!

Halili nuk pati ushtruar ankesë kundër vendimit të dytë negativ të asamblesë. Por, kanë qenë disa fshatarë që kanë apeluar, transmeton albinfo.ch. Ata kanë preferuar të mbeteshin anonim.