Lajme

Haradinaj-Stublla: Gjermania është krah i yni i fortë në ruajtjen e integritetit territorial të Kosovës

Haradinaj-Stublla: Gjermania është krah i yni i fortë në ruajtjen e integritetit territorial të Kosovës
21:51 | 22 Qershor 2020

Ministrja e Punëve të Jashtme të Kosovës, Melisa Haradinaj Stublla, është takuar me ambasadorin e Gjermanisë në Kosovë, Kristian Heldt.

Ajo ka thënë se Gjermania ka qenë garantuese për sovranitetin territorial të Kosovës.

Kjo është komunikata e plotë e MJ’së pas takimit:

Gjermania është aleat historik i Kosovës dhe krah i yni i fortë, duke qenë dhe shteg i lehtësimit të çdo procesi që Kosova ka pasë para vetës, tha të hënën Ministrja e Punëve të Jashtme dhe Diasporës e Republikës së Kosovës, znj. Meliza Haradinaj-Stublla.

Kryediplomatja e Kosovës e bëri këtë vlerësim në takimin që zhvilloi në Ministrinë e Punëve të Jashtme dhe Diasporës me ambasadorin e Gjermanisë në Prishtinë, z.Christian Heldt.

Ministrja Haradinaj-Stublla e ka falënderuar përzemërsisht Ambasadorin Heldt për kontributin që Gjermania ka dhënë në çdo etapë të shtetndërtimit të Kosovës.

“Dyert e hapura nga Gjermania për diasporën tonë atje, janë kthyer në rotorin ekonomik të shtetit tonë”, tha Ministrja Haradinaj- Stublla.

Poashtu, kryediplomatja e Kosovës ka shprehur mirënjohjen për këmbënguljen e Gjermanisë dhe Kancelares Angela Merkel, në ruajtjen e integritetit territorial të Kosovës.

Apliko online për kredi në IBAS, përfito subvencionim nga Qeveria

Të tjera