Turqia dhe Greqia janë përplasur të shtunën në lidhje me shndërrimin e Aja Sofjes në xhami, vetëm një ditë pasi besimtarët kryen xhumanë në vendin e lashtë për herë të parë pas nëntë dekadave, njofton BBC-ja të shtunën.
Kritikat greke kanë shpërfaqur lidhjet e tensionuara mes dy shteteve. Kambanat greke kanë rënë në tërë Greqinë në kohën kur presidenti turk Receep Tayyip Erdogan po kryente lutjet e xhumasë në xhaminë e lashtë të Stambollit.
Të shtunën, grekët kanë djegur flamurin turk në Selanik, teksa kanë bërë thirrje kundër Turqisë. Ministria greke e Punëve të Jashtme, ka deklaruar se komuniteti ndërkombëtar është shtangur nga fanatizmi fetar e nacionalist i presidentit Erdogan. Cermonia e së premtes i dha fund me sukses ambicies së Erdoganit për ta kthyer në xhami objektin e trashëgimisë botërore, të cilin grekët e shohin si vend të shenjtë ortodoks.
