Lajme

Granata që ndërpreu punimet e Xhamisë së Madhe, BIK’u “s’ka koment”

Granata që ndërpreu punimet e Xhamisë së Madhe, BIK’u “s’ka koment”
14:28 | 28 Korrik 2020

Bashkësia Islame e Kosovës (BIK) nuk ka dashur të komentoj ndërprerjen e punimeve të Xhamisë së Madhe në qendër të Prishtinës, pas gjetjes së një mjeti të dyshuar në vendpunishte.

Ahmet Sadriu nga BIK-u i pyetur se si e komenton këtë, ka thënë se nuk kanë ndonjë koment është çështje procedurale.

“S’kemi kurgjo aty ne si institucion, për një granat e kanë lajmërua policinë ata që janë tu punu, dalin e kryjn edhe vazhdon, s’kom kurrfarë komenti është çështje procedurale”, ka thënë Sadriu për Insajderin.

Në mëngjesin e sotëm janë ndërprerë punimet për ndërtimin e Xhamisë së Madhe në qendër të Prishtinës për shkak se është dyshuar për një mjet shpërthyes.

Në punishten ku janë duke u kryer punimet është parë prezencë e Policisë të Kosovës.

Këtë e ka konfirmuar edhe zëdhënësja e Policisë së Kosovës, Flora Ahmeti. Ajo ka thënë se gjatë gërmimeve është gjetur një predhë e vjetër.

“Sot rreth orës 09:30 kemi pranuar informatën për një mjet të dyshimt shpërthyes në rrugën Dëshmorët e kombit në Prishtinë. (dyshohet se është mjet i mbetur para shumë kohësh në atë zonë ) Menjëherë në vendin e ngjarjes kanë dalë njësitet e nevojshme policore të cilat po merren me rastin”, ka thënë Ahmeti.

Ndryshe, Ndërtimi i kësaj xhamie të madhe ka qenë kërkesë e Bashkësisë Islame të Kosovës (BIK) që nga përfundimi i luftës, me argumentimin, se në xhamitë ekzistuese nuk ka vend për falje të besimtarëve mysliman.

Një grup qytetarësh, para pak ditësh, kishin protestuar kundër ndërtimit të xhamisë ku nxiti reagime të shumta.

Xhamia e Madhe që do të ndërtohet në Prishtinë, do të ketë 15 mijë metra katrorë dhe 4 minare. Sipas zyrtarëve të Bashkësisë Islame të Kosovës, brenda objektit të xhamisë do të ketë bibliotekë dhe salla për takime dhe konferenca.

Prince Caffe pjesëmarrës në panairin DUBAI EXPO 2021

Të tjera