Lajme

Gjilani në pritje të rezultateve për 100 mostra për Koronavirus

Gjilani në pritje të rezultateve për 100 mostra për Koronavirus
17:11 | 09 Korrik 2020

Rezultatet e 100 personave të cilëve u janë marrë mostrat, është duke i pritur komuna e Gjilanit.

Kryetari i kësaj komune, Lutfif Haziri, ka thënë se brenda tri ditëve janë marrë 100 mostra për testim, teksa presin rritje të reasteve me koronavirus.

“Gjilani është në pritje të rezultatet e 100 mostrave për COVID19. Më 7 korrik janë marrë 33 mostra, më 8 korrik – 49 mostra, ndërkaq më 9 korrik – 18 mostra. Pritjet tona janë për një rritje sepse kemi njohuri për burimet dhe kontaktet e tyre”, ka shkruar Haziri.

Në Spitalin e Gjilanit po trajtohen 12 pacientë, ndërsa në Klinikën Infektive në Prishtinë, nga Gjilani janë 2 qytetarë që po luftojnë COVID19.

“Apeloj për kujdes e distancë sociale. Bashkë e fitojmë këtë lufte më të panjohurën. Kujdesu pak për veten dhe familjen”, ka shkruar ai.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera