×
  • Ekonomi
  • Ekonomi

    Gjendja elektroenergjetike në Kosovë: Pa rrymën nga Shqipëria dhe pa reduktime

    FrontOnline
    20 Mars 2023

    Në KEK kanë theksuar se në periudhën e muajve të këtij dimri, Kosova ka marrë diku rreth 220 mijë megavatë-orë energji elektrike, si kthim borxhi, por edhe si huazim, ose borxh i krijuar ndaj KESH-it. Tashmë, Kosova, pas kthimit të tërësishëm të borxhit nga sistemi elektroenergjetik shqiptar, ka huazuar nga Shqipëria diku rreth 34 mijë megavatë-orë si borxh, të cilin do të kthej gjatë muajve të verës, kur në Kosovë ka teprica, ndërsa në Shqipëri ka nevojë për më shumë energji elektrike edhe për shkak të turizmit veror.

    “Dinosaurët” e prodhimit të energjisë elektrike në Kosovë, siç i çuajnë shumëkush figurativisht termocentralet e Kosovës për shkak të vjetërsisë së tyre ( blloku i parë i Kosova A ka startuar që në 1962-shin e largët, ndërsa Kosova B në vitin 1979), sivjet, me prodhimin e vazhdueshëm konstant dhe me ritëm imponues të prodhimit të energjisë elektrike ishin shtyllat reale të furnizimit me rrymë të konsumit të vendit pa reduktime të theksueshme gjatë tërë këtij dimri. Me këtë u dëshmua se sa i dobishëm dhe i domosdoshëm remonti i rregulltë i planifikuar në të gjitha njësitë ekzistuese të termocentraleve të Kosovës, të bëra gjatë muajve të verës dhe të vjeshtës.

    Freskimi goxha i detajuar teknik i blloqeve B 1 dhe B2 të Kosovës B dhe A3 dhe A4 të Kosova A, gjatë vitit të kaluar ka ndikuar shumë në punën e mirë dhe në prodhimin kontinuel dhe tashmë të standardizuar të këtyre kapaciteteve të stërvjetëruara realisht, duke arritur kuotat e planifikuara të prodhimit, madje edhe përtej tyre edhe gjatë këtyre ditëve të dimrit. Reklama e sponzorizuar

    Me fjalë të tjera, ka kohë që nga termocentralet e Kosovës që gjenden në prodhim, respektivisht nga blloku B1 dhe B2 të Kosovës B, që kanë bashkarisht kapacitet mbi 600 megavatë në gjenerator, ndërsa në rrjet fuqia e secilit bllok është 260 megavat-orë dhe A3 dhe A 4 të Kosova A, me gjithsej 260 megavatë-orë, prodhohen diku afër 800 megavat. Kësaj sasie të energjisë elektrike të prodhuar nga TC-të, duhet shtuar gjatë këtij dimri me të reshura dhe me erë goxha intensive plus më së paku rreth 100 megavatë nga kapacitetet e energjisë së ripërtëritshme (hidrocentralet e vogla të Kosovës dhe nga parqet e energjisë në bazë të erës në Shalë të Bajgorës dhe në Kitkë të Anamoravës). Por, nuk duhet harruar se në evitimin e reduktimeve gjatë këtij dimri, ose më saktësisht që nga vjeshta e vitit të kaluar e deri në këto ditë të marsit të këtij viti, sasisë së energjisë elektrike të prodhuar në termocentralet e KEK-u, ndikim evident ka pasur edhe sasia e konsiderueshme e energjisë elektrike që për muaj të tërë erdhi nga Shqipëria në Kosovë, në bazë të marrëveshjeve të këmbimit të rrymës, gjegjësisht që KESH ia ktheu borxhin KEK-ut, që ky i fundit gjatë muajve të verës dhe në orët e natës ka deponuar në sistemin elektroenergjetik shqiptar.

    Në saje të ujërave të bollshme, sistemi elektroenergjetik shqiptar, qëkur u mbushën me ujë bazenet në kaskadën e Drinit, nisi edhe të eksportojë një sasi të mirë të rrymës, t’i kthej borxhet në rrymë dhe zuri ta përmirësojë gjendjen financiare, të rënduar nga importet në sasi të mëdha të rrymës për nevojat e veta gjatë kohëve kur nuk kishte ujë të mjëftueshëm. KEK-u, siç ka raportuar disa herë Buletini Ekonomik, gjatë ditëve të verës dhe sidomos gjatë orëve të natës, kur nevojat e Kosovës ishin më të vogëla se konsumi, i ka dhënë hua, ose ka deponuar në KESH një sasi të madhe të rrymës. Dhe, këtë borxh, Shqipëria e ktheu gjatë muajve të dimrit.

    Thuaja për ditë Kosova mori nga Shqipëria 200-300 megavatë-orë, ose gjatë 24 orëve diku rreth 2 mijë megavatë-orë. Dhe e tërë sasia, edhe prodhimi nga kapacitetet vendore edhe energjia e rikthyer si borxh nga Shqipëria iu vu në dispozicion KEDS-it, plus një sasi e vogël iu dedikua vazhdimisht Termokosit si energji termike për ngrohjen qendrore të Prishtinës. Në KEK kanë theksuar të premtën për Buletinin Ekonomik, se në këtë përiudhë të muajve të këtij dimri, Kosova ka marrë diku rreth 220 mijë megavatë-orë energji elektrike, si kthim borxhi, por edhe si huazim, ose borxh i krijuar ndaj KESH-it.

    Tashmë, Kosova, pas kthimit të tërësishëm të borxhit nga sistemi elektroenergjetik shqiptar, ka huazuar nga KESH-i diku rreth 34 mijë megavatë-orë si borxh, të cilin do të kthej gjatë muajve të verës, kur në Kosovë ka teprica, ndërsa në Shqipëri ka nevojë për më shumë energji elektrike edhe për shkak të turizmit veror. Siç kanë njoftuar në KEK, që nga 28 shkurti i këtij viti Kosova nuk është duke marrë fare energji elektrike nga Shqipëria. Sipas zyrtarëve të KEK-ut, tani, kur ka filluar të ngritën ndjeshëm temperaturat, praktikisht konsumit të Kosovës thuaja se po i përmbushën nevojat nga prodhimi vendor. Nuk njoftohet nga KEDS-i se a ka nevojë për të importuar këtyre ditëve, akoma me temperatura relativisht të ulëta gjatë natës. Gjithsesi , mungesa e energjisë elektrike nga Shqipëria, që për muaj të tërë ishte një ndihmesë e madhe për stabilitetin e sistemit ekektroenergjetik të vendit, do të ndihet nëse do të ketë temperatura të ulëta, kur konsumi i rrymës në Kosovë rriten ndjeshëm, sidomos gjatë orëve të pikut. Në këtë raste, imponohet importimi i energjisë elektrike, çmimi i të cilës tani në tregjet ndërkombëtare ka rënë ndjeshëm. Sot (e premte, 17 mars 20230 , bie fjala në tregun hungarez HUPX, një megavat ka kushtuar 93, 11 euro, dhe ky çmim në pik arrin në 97 euro. Dhe ky çmim, duhet theksuar se është shumëfish më i ulët se sa çmimi i rrymës së importuar në të njëjtën periudhë të vitit të kaluar, por edhe disa fish më i ulët se sa që ishte gjatë tërë gjysmës së parë të vitit të kaluar. /Buletini Ekonomik

    Arif Vladi me 17 shkurt në hotel Lake Side
    Nga Rubrika
    Ekonomi18 Mars 2024
    Qeveria e Kosovës ka nënshkruar marrëveshje me Bankën Evropiane për Investime në vlerë të 33 milionë eurove. Kjo marrëveshje është pjesë e...
    Ekonomi18 Mars 2024
    Nga Zyra e Rregullatorit të Energjisë kanë folur edhe në lidhje me mundësinë e tarifave të reja për energjinë elektrike nga muaji...
    Ekonomi18 Mars 2024
    Banka Qendrore e Republikës së Kosovës (BQK) ka nënshkruar Marrëveshje të Mirëkuptimit në fushën e Edukimit Financiar me përfaqësuesit e sektorit financiar:...
    Të tjera
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Lajme18 Mars 2024
    Kryetari i Kuvendit të Kosovës Glauk Konjufca ka goditur emisarin amerikan, Gabriel Escobar. Tutje, Konjufca për emisarin amerikan Escobar ka thënë se...
    Sport18 Mars 2024
    Kombëtarja e Shqipërisë ka zhvilluar seancën e parë stërvitore para miqësoreve të këtij muaji. Në stërvitjen e parë pati disa mungesa, të...
    Kronika18 Mars 2024
    Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar ky akt për...
    Lajme18 Mars 2024
    Kryetari i Kuvendit të Kosovës Glauk Konjufca sot ka folur për rolin e tij në Kuvendin e Kosovës. Përveç kësaj ai ka...

    FrontOnline, © 2024 Të gjitha të drejtat e rezervuara.