Sot në Shtëpinë e Bardhë në Uashington pritet të arrihet një marrëveshje ekonomike mes Kosovës dhe Serbisë, raporton Front Online.

Megjithëse dialogu mes dy shteteve është vlerësuar të jetë i rëndësishëm, delegacioni që po përfaqëson vendin në Shtetet e Bashkuara të Amerikës thuhet se po përfaqëson më shumë interesat partiake se shtetërore.

Njohësi i ekonomisë, Safet Gërxhaliu ka thënë për Front Online se takimi në Uashington ka qenë një mundësi të cilën është dashur ta shfrytëzoj delegacioni kosovarë përmes prezantimit të projekteve konkrete të cilat kishin do të gjeneronin punësimin, tregtinë, promovimin, inovacion dhe edukimin.

Megjithatë, sipas tij, euforia për tu mbrojtur interesat e partisë politike mbi interesat e shtetit, po e dëmton Kosovën në këtë drejtim.

Gerxhaliu ka treguar se shteti serb është më i përgatitur në takimet që po mbahen në Uashington.

“Delegacioni kosovar është shumë më tepër i përbërë nga ngjyra politike për të përmbushur epshet e partive politike në koalicion dhe jo për të promovuar shtetin. Në këtë drejtim në qoftë se bisedohet për çështje ekonomike dhe të mos jetë i pranishëm Ministri i Financave, i Tregtisë dhe Industrisë dhe Ministri i Ekonomisë dhe i Zhvillimit, është një dobësi përballë palës së Serbisë”, ka thënë ai.

Gërxhaliu tregon temat ekonomike që duhet të diskutohen në Uashington

Njohësi i ekonomisë, Safet Gërxhaliu e ka parë të rëndësishëm takimin që po mbahet në Uashington mes palës kosovare dhe asaj serbe, raporton Front Online.

Gërxhaliu është shprehur se takimi në Shtëpinë e Bardhë është një mundësi shumë e mirë të cilën është dashur ta shfrytëzoj delegacioni kosovar për të diskutuar për tregtinë e punësimin.

“Uashington ka qenë një mundësi të cilën është dashur ta shfrytëzoj delegacioni kosovarë përmes prezantimit të projekteve konkrete të cilat kishin do të gjeneronin punësimin, tregtinë, promovimin, inovacion dhe edukimin”, ka deklaruar ai.

Ai ka vlerësuar se pala serbe është më e përgatitur për çështjet ekonomike të cilat do të diskutohen në takimin e sotëm, për dallim nga pala kosovare që sipas tij, është më shumë me përbërje politike se ekonomike.

“Duhet të kuptohet që vet fakti që dialogohet është një përparësi  e cila duhet të analizohet në disa dimensione. Rëndësia e parë është se dialogohet në Uashington dhe kuptohet se roli i SHBA-së ka qenë dhe do të jetë parcial. Duhet të shfrytëzohet kjo gatishmëri i SHBA-së që të bëhet presion te palët që këto marrëveshje të zbatohen dhe jo vetëm të nënshkruhen”, ka thënë ai pwr Front Online.

Gërxhaliu ka thënë tutje se dialogu me Serbinë nuk do të jetë i lehtë kurrë sepse përgatitja dhe tradita e tyre në këtë fushë është shumë më e avancuar se e Kosovës./Front Online/