Testi i Maturës ku do të hyjnë 26.669 maturantë ka filluar në orën 10:00.
Në shkollat ku do të mbahet testi maturantët kanë shkuar rreth një orë më herët dhe para se të hyjnë janë rreshtuar duke synuar të mbajnë distancën.
Nëpër klasa do të jenë jo më shumë se 12 nxënës.
Por, edhe pse vendet ku duhet të uleshin nxënësit kanë qenë të shënjura kishte prej tyre që nuk mbanin distancën e kërkuar dhe për këtë është dashur edhe intervenimi i personelit të angazhuar për mbarëvajtjen e këtij procesi dhe policisë.
Megjithëkëtë, zyrtarët nga Ministria e Arsimit u shprehën të kënaqur me përgatitjet e shkollave dhe thanë se janë optimistë që gjithçka do të shkojë siç është paraparë.
Testi i Maturës që këtë vit po mbahet disa muaj me vonesë për shkak të pandemisë është organizuar në 30 komuna të vendit./kk/
