Bota/Rajoni

“Festa Covid” me 400 persona, banorët e Floridës po jetojnë mes terrorit

“Festa Covid” me 400 persona, banorët e Floridës po jetojnë mes terrorit
12:55 | 18 Korrik 2020

Një sherif në Florida ka deklaruar se anëtarë të bandave po organizojnë festa me rreth 400 persona, me qëllim përhapjen e koronavirusit mes tyre.

Russ Gibson tha se banorët e Osceola po jetojnë mes terrorit dhe që nga marsi policia ka marrë rreth 600 telefonata të njerëzve që ankohen për zhurmë nga festat masive.

Videot e policisë tregojnë dhjetëra makina që bllokojnë një rrugë në fillim të korrikut dhe një numër i madh personash që kërcejnë në mes të rrugës.

“I quajnë “festa Covid” dhe qëllimi është përhapja e virusit mes tyre, nuk e di se për çfarë arsyeje”, thotë Gibson për “Click Orlando”.

Problem tjetër, sipas tij, është se festat i organizojnë anëtarë bandash kriminale: “Anëtarë bandash marrin me qira shtëpi pushimi për të organizuar këto festa masive. Janë njerëz që përbëjnë rrezik për shoqërinë”.

 Petrol Company  prin me çmime me të lira në derivate dhe shumë oferta të tjera

Të tjera