Lajme

E trishtë, gruaja nga Vitia ndërron jetë 10 minuta pasi varrosi bashkëshortin

E trishtë, gruaja nga Vitia ndërron jetë 10 minuta pasi varrosi bashkëshortin
18:16 | 18 Shtator 2021

Çifti i bashkëshortëve, Idriz e Hasime Sallahu nga fshati Kabash i komunës e Vitisë, kanë ndërruar jetë një ditë ndaras nga njëri-tjetri.

Familjarët gjatë ditës së djeshme njoftuan se fillimisht kishte ndërruar jetë Idriz Sallahu, varrimi i të cilit është bërë sot pas faljes së namazit të drekës.

“Ju njoftojm se ka vdek baca Idriz Nebi Sallahu. Varrimi behet neser me datë 18.09.2021 pas faljes s’namazit të drekes”, thuhej në njoftimin e familjarëve.

Ndërkaq, sot pas ceremonisë së varrimit të Idriz Sallahut, ka ndërruar jetë edhe bashkëshortja e tij, Hasime Sallahu. Lajmi për vdekjen e saj është bërë i ditur nga familjarët e të ndjerës, të cilët kanë shtuar se varrimi do të bëhet sot në orën 18:00.

“Ju njoftojm se pas ceremonis se varrimit të baces Idriz, ka vdek edhe bashkshortja e tije Hasime Sallahu”, thuhet në njoftimin e familjarëve.

Sinjalizuesit e Gazetës Sinjali kanë treguar se bashkëshortja e Idriz Sallahut, Hasimja, ka vdekur 10 minuta pas varrosjes së burrit të saj.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera