Përfaqësuesi Special i Bashkimit Evropian për dialogun Kosovë-Serbi, Miroslav Lajcak, planifikon të marrë rrugë drejtë të dyja vendeve më mundësinë e parë.
“Lajçak planifikon të udhëtojë drejt Kosovës dhe Serbisë sapo të krijohen kushtet që lejojnë diskutimin e modaliteteve për rikthim në dialogun e ndërmjetësuar nga BE me të gjitha palët”, është thënë nga Zyra e Lajçak për Klan Kosova.
“Një datë e saktë ende nuk dihet”, theksohet në përgjigje.
Rikthimi në dialog i Prishtinës dhe Beogradit theksohet se është esenciale për përparimin në rrugën evropiane.
“Përfaqësuesi i lartë i BE-së, Josep Borrell dhe Përfaqësuesi Special, Miroslav Lajcak, po shohin bashkërisht bashkëpunim me Qeverinë e re të drejtuar nga Kryeministri Avdullah Hoti drejt përparimin në marrëdhëniet BE-Kosovë. Pandemia e koronavirusit dhe pasojat e saj do të jenë sfidë e përbashkët. Ne duam ta shohim Kosovën përpara në rrugën evropiane. Një rinisje e shpejtë e dialogut Beograd-Prishtinë e lehtësuar nga BE është kyçe për normalizimin gjithëpërfshirës në marrëdhëniet me Serbinë”.
“Dialogu i lehtësuar nga BE është mënyra e vetme për ta kthyer të ardhmen evropiane të Kosovës në realitet për qytetarët e saj”.
