Dy persona kanë vdekur dhe 147 persona të tjerë janë infektuar me Covid-19 gjatë 24 orëve të fundit në Shqipëri.
Të dhënat janë bërë publike nga Ministria e Shëndetësisë, ku thuhet se gjatë 24 orëve të fundit kanë humbur jetën si pasojë e Covid-19, dy qytetarë të cilët prej kohësh vuanin nga simptomat e virusit.
Me të dhënat e fundit, numri personave që kanë humbur betejën me koronavirusin që nga fillimi i pandemisë në vend ka shkuar në 321.
Po ashtu i lartë vijon të jetë edhe numri i të infektuarve të rinj. Gjatë 24 orëve të fundit ministria njoftoi 147 raste të reja me Covid-19, nga 830 testime të kryera për të dyshuar.
Shpërndarja gjeografike e rasteve pozitive ditore është si vijon: 67 raste në Tiranë, 12 raste në Lezhë, 11 raste në Berat, 10 raste në Shkodër, 9 raste në Fier, 7 raste në Krujë dhe Korçë, 5 raste në Kamëz, nga 4 raste në Kavajë dhe Vlorë, 2 raste në Kurbin, Elbasan, Lushnje, Gjirokastër, 1 rast në Durrës, Vau i Dejës, Selenicë.
Në spitalin Infektiv dhe “Shefqet Ndroqi” po trajtohen 199 pacientë të konfirmuar pozitivë me COVID-19, 19 në terapi intensive nga të cilët 5 pacientë janë të intubuar.
Ndërkohë nga fillimi i pandemisë numri i personave të infektuar me Covid-19 në vendin tonë ka shkuar në 10553.
Në orët e fundit 53 qytetarë e kanë fituar betejën me virusin, duke e çuar në 6239 numrin në total të të shëruarëve.
COVID-19 – Statistika (8 Shtator 2020)
Testime totale 69558
Raste pozitive 10553
Raste të shëruara 6239
Raste Aktive 3993
Humbje jete 321 (Qarku Tiranë 154, Durrës 44, Shkodër 36, Elbasan 20, Fier 16, Korçë 12, Lezhë 12, Kukës 8, Dibër 7, Vlorë 6, Gjirokastër 4, Berat 2)
Shpërndarja gjeografike e rasteve aktive sipas qarqeve:
Tiranë 2121
Durrës 458
Shkodër 321
Lezhë 227
Elbasan 173
Korçë 150
Vlorë 138
Kukës 130
Fier 130
Berat 77
Dibër 34
Gjirokastër 34
