Kryetari i Komunës së Drenasit Ramiz Lladrovci ka dhënë detaje pasi tre qytetarë nga kjo komunë rezultuan pozitiv në Covid-19. Sipas Lladrovcit, dy prej tyre banojnë në kryeqytet derisa rasti i tretë u infektua në vendin e punës në Postën e Kosovës.
“Dy nga tri rastet, janë familjarë dhe jetojnë në Dardani-Prishtinë, ndërsa rasti i tretë supozohet se është rast kontakti në vendin e punës, në Prishtinë-Posta e Kosovës, ndërsa vendbanimi i tij është në Fushticë të Poshtme”, shkroi Lladrovci në Facebook:
Shkrimi i plotë i Lladrovcit në Facebook:
Të nderuar qytetarë të komunës së Drenasit,
Instituti Kombëtar i Shëndetësisë Publike të Kosovës, sot, pas testimit të katër qytetarëve me adresë nga komuna jonë, tre kanë rezultuar pozitiv.
Dy nga tri rastet, janë familjarë dhe jetojnë në Dardani-Prishtinë, ndërsa rasti i tretë supozohet se është rast kontakti në vendin e punës, në Prishtinë-Posta e Kosovës, ndërsa vendbanimi i tij është në Fushticë të Poshtme.
Apelojmë te qytetarët, të respektojnë rekomandimet e Institutit Kombëtar të Shëndetësisë Publike të Kosovës dhe Ministrisë së Shëndetësisë lidhur me pandeminë.
Kujdes po, panik jo!
