Zëvendësministri i Punëve të Jashtme, Gani Dreshaj ndodhet në Gjermani. Dreshaj ka patur disa takime me rëndësi në shtetin mik të Kosovës nga ku ka sjellur disa porosi.

Me një status ne Facebook, ai ka porositur bashkatdhetarët kosovarë që para secilit fluturim, t’i nënshtrohen testeve për Covid 19 për të shmangur përhapjen e rrezikut të pandemisë në vende të tjera.

Nga Berlini zyrtar, Dreshaj thotë se rruga e paqes fillon nga aty dhe ka përparime në të gjitha sferat.

“Rruga e paqes kalon nëpër këtë ndërtesë. Kushdo që e njeh të kaluarën dhe historinë, ka mësuar të ndjekë rrugën e duhur. Sot ishte një nga ditët më të suksesshme të jetës time politike në Berlin. Personalisht jam shumë i kënaqur që është bërë përparim edhe në periudha të vështira. Kërkohet shumë kohë dhe durim, por hapat e vegjël individualë janë mënyra e duhur dhe e shëndetshme për një të ardhme pozitive. Miqtë erdhën tek unë me këshillën se nga java e ardhëshme mund të bëjmë në mënyrë të pavarur testin e Koronavirusit përpara nisjes për në Gjermani dhe Evropë dhe, në përputhje me rrethanat, të fillojmë udhëtimin nëse testi është negativ. I dashur Ministër i Shëndetësisë së Kosovës, vazhdojeni kështu, ju e keni mbështetjen time të plotë për të implementuar këtë” ka thënë ndër të tjera Gani Dreshaj.