Djali i heroit Ukshin Hoti, Andin Hoti, ka kërkuar nga kryeministri në detyrë Albin Kurti, ta shkarkojë këshilltarin e tij, Shkelzen Gashi, i cili u shpreh sot se Ushtria Çlirimtare e Kosovës ka kryer krime.

Në një shkrim në Facebook, Hoti ka kërkuar nga Kurti të marr vendim ta shkarkojë Gashin.

Shkrimi i plotë:

TË LUTEM KRYEMINISTER ALBIN KURTI,

Jo si anëtar i ndonjë partie politike, por si djali i një Heroi të Kosoves, apo si djali i Ideologut tënd (kështu ke deklaruar) Ukshin Hotit , si nip i një Dëshmori të Kombit nga rradhet e UÇK-së, si djali axhes i një tjetër Ushtari të Ushtrisë Çlirimtare të Kosoves, si nip i disa Ushtarëve të UÇK-së, si djalë i 2 të burgosurve politik, si nip i një të burgosuri politik, por gjithashtu si një djalë i rritur në sakrificat më të rënda përballë Serbisë, PO TË LUTEM:
SHKARKOJE KËTË ZAGAR!
Dhe jo vetëm! Të lutem dërgoje në Prokurori.

Pavarësisht mendimeve tona politike, që mund të jenë të kundërta, asnjëherë nuk e kam menduar një anti-shqiptarizëm tek ju, e as nuk dua ta mendoj! Të lutem.