[wp-story]

Bota/Rajoni

Dhjetë ushtarë indianë lirohen nga Kina

Dhjetë ushtarë indianë lirohen nga Kina
11:25 | 19 Qershor 2020

Kina i ka liruar dhjetë ushtarë indianë të enjten pasi ishin zënë robër gjatë përleshjeve mes dy vendeve të hënën.

Gazeta “India Today” duke i cituar burimet ushtarake, tha se në mesin e të liruarve ishin një nënkolonel dhe tre majorë, raportoi BBC-ja të premten.

Qeveria indiane nuk e ka konfirmuar lajmin, e as nuk ka thënë se dikush prej ushtarëve të saj ishte zënë rob.

Luftimi në Luginën Galwan shkaktoi vdekjen e së paku 20 ushtarëve indianë dhe rriti tensionet mes dy fuqive ushtarake.

Kina nuk pranoi se kishte të vrarë në mesin e ushtarëve të saj, ndërsa 76 ushtarë tjerë indianë janë lënduar.

Kufiri në mes të këtyre dy shteteve ka një demarkim shumë të dobët dhe mund të lëvizë për shkak ndryshimeve topografike, transmeton KOHA.

Raportet e mediave thanë se ushtarët u përleshën në kreshta të larta afro 4.300 metra në terren të rrëpirët, ku disa ushtarë kishin rënë në lumin e shpejtë Galwan.

Palët janë grindur për shkak mosmarrëveshjes rreth kufirit, por luftimi i së hënës ishte i pari që shkaktoi të vdekur brenda 45 viteve. Raporte të pakonfirmuara nga ana e mediave indiane thonë se së paku 40 ushtarë kinezë janë vrarë, por Kina nuk ka dhënë ndonjë informatë.

Zëdhënësi i Ministrisë së Jashtme kineze Zaho Lijian, tha se India kishte kaluar kufirin dy herë, duke “provokuar dhe sulmuar personelin kinez, që rezultoi në konfrontim serioz fizik në mesin e forcave kufitare nga të dy anët”.

Lugina e lumit Galwan, me klimë të vrazhdë dhe terren në lartësi të madhe mbidetare, është afër rajonit Aksai Chin, rajon konflikti i pretenduar nga India, por i kontrolluar nga Kina.

Kush ështe kosovari THE VICTOR që synon tregun e jashtëm? (video)

Të tjera