×
  • Lajme
  • Lajme

    Deputetja e VV’së: Propozimi i PDK’së për Ligjin për Rimëkëmbje Ekonomike, më skandaloz sesa ai i qeverisë

    FrontOnline
    30 Shtator 2020

    Deputetja e Lëvizjes Vetëvendosje Arbreshë Kryeziu-Hyseni ka thënë se mocioni i iniciuar nga kjo parti për rrëzimin e qeverisë ka marrë mbështetjen edhe të disa deputetëve të partive të tjera politike, por nuk i ka përmendur me emra.

    “Mocioni vazhdon të mbetet i hapur për të gjithë deputetët që konsiderojnë se po shkojmë drejt një jostabiliteti politik në vend dhe që konsiderojnë se është e duhur që ky jostabilitet të kthehet në stabilitet. Mocioni vazhdon të mbetet i hapur. Kemi aktualisht vetëm nënshkrimet e Grupit Parlamentar të Lëvizjes Vetëvendosje, por nuk do të thotë që nuk kemi biseduar në vazhdimësi edhe me deputetët e tjerë. Disa prej tyre e kanë shprehur hapur gatishmërinë për t’iu bashkuar mocionit kurdo që ai të sillet në Kuvend”, ka deklaruar ajo në Klan Kosova.

    “Nuk do të flas me emra konkretë, por ne në Parlament flasim për këto tema. Me disa prej tyre kam diskutuar edhe unë personalisht dhe e kam parë se disa prej tyre konsiderojnë që zgjidhja më e mirë në situatën që jemi tani është që vendi të shkojë në zgjedhje dhe cilado qeveri që do të vijë të marrë legjitimitetin nga populli dhe të udhëheqë në këto procese mjaft serioze dhe të ndjeshme ku kemi ngecur si shtet”.

    Ajo ka thënë se beson që do të vijë shumë shpejt momenti kur mocioni për rrëzimin e Qeverisë Hoti do të konkretizohet.

    Kryeziu-Hyseni ka thënë se Qeveria vetëm po thirret se e ka shumicën e votave, por nuk po arrin t’i ketë ato për asnjë ligj, madje as për atë për Rimëkëmbje Ekonomike.

    “E para përgjegjësi është e partive që janë në koalicion dhe e qeverisë që derisa thirret që ka shumicën në Kuvend ta bëjë të mundur shumicën në Kuvend. Kemi parë që shumë herë nuk po arrijnë të kalojnë as numrin e 50 deputetëve që janë pro e cilit do ligj që e sjellin në Kuvend si qeveri. Ne si opozitë, që po kritikohemi se e kemi bllokuar Ligjin për Rimëkëmbje Ekonomike, konsideroj se ne e kemi bërë punën tonë duke votuar marrëveshjet ndërkombëtare që janë negociauar nga ish-Ministri i Financave Besnik Bislimi për të krijuar fonde që do të dedikoheshin për rimëkëmbjen ekonomike. Këto marrëveshje kanë bërë të mundur sigurimin e 300 milionë eurove që nuk e dimë pse nuk po shfrytëzohen për t’iu ndihmuar qytetarëve dhe bizneseve për të kaluar krizën që ka shkaktuar pandemia”.

    Kur ka folur për Ligjin për Rimëkëmbje Ekonomike, deputetja e Vetëvendosjes ka thënë se propozimi i PDK-së është edhe më skandaloz sesa ai që e ka propozuar Qeveria – e që Lëvizja Vetëvendosje nuk i pranon.

    “Propozimi që ka bërë PDK-ja del të jetë akoma më skandaloz sesa ky i qeverisë. Është një ligj që nuk përkon as me titullin që ka – ka vetëm gjashtë faqe dhe kryesisht i dedikohet gastronomisë për t’i përkrahur bizneset, por jo për të gjetur zgjidhje për punëtorët”.

    “Janë 169 mijë qytetarët që kanë vetëm 8.90 cent në Trust. A mund ta marrim me mend se çfarë zgjidhje u ofrohet këtyre qytetarëve që vijnë nga shtresa më e varfër e shoqërisë sonë që edhe ka më së shumti nevojë të përfitojë nga Pakoja Ekonomike. PDK-ja propozon që qytetarët që kanë mbi 20,000 euro në Trust Pensional të kenë mundësi të tërheqin 10 për qind që më pas t’ia kompensojë Qeveria. A duhet të paguaj unë si qytetar taksa që t’ia kompensoj qytetarit që ka 20 ose 50 mijë euro në konto dhe nxjerr 10 për qind nga Trusti Pensional për të blerë veturë ose t’i shpenzoj për luks?”.

    Deputetja e Vetëvendosjes ka thënë se partitë e koalicionit nuk e kanë votuar një amandament që partia e saj e ka propozuar në vlerë prej 70 milionë eurosh për mbështetje për pagat e punëtorëve që ata të mos humbasin punën.

    Nga Rubrika
    Lajme14 Maj 2025
    Indeksi i harmonizuar i çmimeve të konsumit ishte 3 për qind më i lartë në muajin prill krahasuar me prillin e vitit...
    Lajme14 Maj 2025
    Pastrimi i kontenjerëve të stërmbushur në kryeqytet ka filluar vetëm gjatë natës. Gajtë ditës, në një intervistë për Ekonomia Online, kryeshefi i...
    Lajme14 Maj 2025
    Të enjten parashikohet të mbajë mot me diell dhe vranësira, ku vonë pasdite dhe në mbrëmje, pritet të ketë reshje të pakta...
    Të tjera
    Bota/Rajoni14 Maj 2025
    Në një takim me drejtuesit politikë të koalicionit opozitar këtë të mërkurë, ish-kryeministri dhe kryedemokrati Sali Berisha tha se protesta në datën...
    Lajme14 Maj 2025
    Pas njoftimit që lëshoi Zyra e Bashkimit Europian në Kosovë për takimin që Presidenti i Këshillit të Bashkimit Evropian, Antonio Costa, zhvilloi...
    Sport14 Maj 2025
    Skuadra e Trepçës ka marrë një fitore shumë të rëndësishme në ndeshjen e katërt të finales së “play-off”-it të Superligës së Kosovës...
    Bota/Rajoni14 Maj 2025
    Është e paqartë nëse presidenti rus Vladimir Putin do t’i bashkohet diskutimeve, tha Trump. Presidenti i SHBA-ve, Donald Trump, tregoi se nuk...
    Lajme14 Maj 2025
    Kryetari i Prishtinës Përparim Rama ka publikuar një video ku shihet kompania e pastrimit duke i larguar mbeturinat e grumbulluara kryeqytet. Gjatë...
    Lajme14 Maj 2025
    Nasim Haradinaj, ish-nënkryetar i OVL-UÇK’së, ka folur rreth vizitës së kryetares së Dhomave të Specializuara të Kosovës, Ekatarina Trendafilova, dhe protestës së...
    -->

    FrontOnline, © 2025 Të gjitha të drejtat e rezervuara.