Deliu-Kodra: Parlamenti i Serbisë do të kumbojë shqip si asnjëherë më parë

Alternativa Demokratike Shqiptare ka marrë katër ulëse në Parlament. Partia e presidentit Aleksandar Vuçiq, SNS, ka marrë 180 ulëse, SPS e Ivica Daçiqit 30 ulëse, ajo e ish-sportistit Aleksandar Shapiq 11 etj.

Kjo sipas projeksioneve të para të Ispos dhe Cesid, të cilët thonë se në bazë të 44.1 për qind të mostrës së përpunuar, partia e presidentit aktual Aleksandar Vuçiq, SNS ka fituar 63.4 për qind.

Këtij lajmi i është gëzuar deputetja e Partisë Demokratike të Kosovës, Blerta Deliu-Kodra, e cila nëpërmjet një postimi në rrjetin social Facebook ka thënë se parlamenti i Serbisë do të kumbojë shqip.

“Urime shqiptarëve të Luginës së Preshevës për fitoren e madhe. Tash e tutje do të kenë një zë të bashkuar katërfish të përforcuar! Parlamenti i Serbisë do të kumbojë shqip si asnjëherë më parë”, shkroi Deliu-Kodra.

NimiTV ofron 30% zbritje për Black Friday

Sponsoruar