Me një humbje dinjitoze nga gjiganti holandez, Feyenoord, Drita e mbylli mbrëmë ëndrrën evropiane.
Skuadra gjilanase u mposht me shumë vështirësi nga Feyenoordi në Rotterdam me rezultat 3:2, shkruan FrontOnline.
Pas ndeshjes ka folur trajneri i Feyenoordit, Arne Slot, i cili ka thënë se tha se fati dhe tifozët ishin vendimtar në fitoren ndaj skuadrës nga Anamorava.
Me pas tekniku holandez përgëzoi futbollistët e tij për angazhimin në fushën e lojës.
“Sigurisht që nuk ishte një lojë e mërzitshme. Pothuajse çdo sulm nga Drita çoi në një mundësi. Faktori i fatit dhe tifozët tanë fantastik ishin vendimtar sonte. Portieri ynë vërtet na dërgoi tutje sonte. Dhe sigurisht më duhet të përmend Guus Til, megjithëse i gjithë ekipi meriton një kompliment për mënyrën se si ata vazhduan të luftojnë për fitoren”, deklaroi Slot për “ESPN”./FrontOnline/