Ministrja e Arsimit, Besa Shahini thotë se pa pasur mundësi të votojnë studentët, “natyrisht që nuk mund të ketë zgjedhje të mirëfillta nëpër universitete”.

Ministrja ka reaguar pas urdhrit për shtyrjen e zgjedhjeve në universitete dhe i përgjigjet opozitës.

“Përderisa nuk kishim siguri se data e mëparshme mundësonte gjithëpërfshirjen e studentëve, u detyruam ta shtyjmë atë. Vendim ky, i ndërtuar mbi propozimet e vetë studentëve dhe i koordinuar me të gjitha institucionet e angazhuara në këtë proces, përfshirë edhe zyrën e Presidentit.

Në këtë kontekst, deklaratat e PD-së për “beteja” opozitare janë absurde. Në vend të sajimit të kauzave të paqena, do ndihmonte shumë politikëbërjen arsimore sikur energjitë opozitare të kanalizoheshin në kauza reale që do të përmirësonin cilësinë dhe menaxhimin në arsim”, thekson Shahini në postimin e saj në Facebook