Mbrëmë në ambientet e televizionit publik (RTK) ka ndodhur një situatë jo e zakonshme mes zyrtarit të PSD-së Nol Nushi dhe avokatit Tomë Gashi. Dy të përfshirët në këtë situatë dhe Milaim Zeka i cili poashtu ishte i pranishëm në debat kanë dhënë versionet e tyre të ngjarjes në RTV Dukagjini.Ish-deputeti i Kuvendit të Kosovës, Milaim Zeka, në një lidhje telefonike në “Debat Plus” ka thënë se në ambientet e televizionit publik RTK ka ndodhur një incident mes avokatit Tomë Gashi dhe përfaqësuesit të PSD-së, Nol Nushi.Zeka i cili ishte pjesë e panelit në RTK thotë se në momentin që kanë dalë siglat ka ndodhur incidenti.
“Toma e ka fyer Nolin shumë rëndë, ku ky i fundit e ka gjuajtur me ujë, pastaj ne ndërhymë dhe nuk lejuam të bëhet diçka më e keqe”.Zeka thotë se gjatë debatit kanë ndodhur fyerje të rënda.“Unë personalisht nuk do të pranoja që askush i familjes sime të fyej Albin Kurtin, siç po fyejnë militantët e Vetëvendosjes”, tha ndër të tjera Milaim Zeka.
Ndërkohë zyrtari i PSD-së, Nol Nushi poashtu në një lidhje telefonike në “Debat Plus” ka sqaruar atë që ndodhi në RTK.Nushi thotë se rrahje nuk ka pasur e as konfrontim fizik mes atij dhe Tomë Gashit.
“Është e vërtetë deklarata e Milaim Zekës se e kam gjuajtur me ujë Tomën pasi jam ofenduar tepër rëndë. Jam sjellë konform situatës. Besoj të gjithë dëshmitarët e kanë parë se sa rëndë jam ofenduar”.“Nuk kam çfarë të shtoj pos asaj që shihet se çfarë zelli kanë marrë militantët e Vetëvendosjes ndaj neve”.“Kush më njeh e di që unë nuk jam person që rrihem. Për Tomën nuk kam çfarë të them pasi dihet se si asi është sjellë me lypësin në shesh”.Nushi thotë se në debate Vetëvendosjen tash e përfaqësojnë Haki Abazi, Tomë Gashi e Agim Bahtiri.Edhe avokati, Tomë Gashi ka mohuar se ka pasur ndonjë përplasje fizike mes tij dhe anëtarit të PSD-së, Nol Nushit.Gashi ka thënë se gjithë debati me Nol Nushin në RTK është i incizuar.“Pas debatit kemi vazhduar njëjtë debatin. Nuk ka pasur rrahje”, tha ai në Debat Plus.Gashi ka theksuar se Nushi e ka gjuajtur me shishe të ujit, por që nuk e konsideron sulm.
