Kryetari i AKR-së, Behgjet Pacolli ka njoftuar se sot i është realizuar një bust i tij në qytetin e Sarandës.

Pacolli e ka quajtur nder të madhe mbase kjo dhuratë i është bërë në ditën e ditëlindjes së tij.

“Një dhuratë që nuk e prisja. Sot me rastin e ditëlindjes sime, kuptova se në qytetin e bukur të Sarandës është realizuar një bust për mua! Jam i lumtur dhe shumë mirënjohës për këtë portret. Gjatë jetës sime, kam punuar shumë për ta bërë popullin tim krenarë dhe për t’i treguar botës se edhe ne dimë dhe mundemi! Ky është një nder i madh për mua sot! Faleminderit nga zemra!”, ka shkruar ai në faqen e tij zyrtare në Facebool.

Kujtojmë, se Pacolli sot ka mbushur 69 vite.