Kryetari i PD-së Lulzim Basha mblodhi sot në mesditë aleatët e PD-se në selinë blu. Reagimi politik i opozitës ndaj situatës së krijuar nga Covid-19 në vend ka qenë arsyeja e këtij takimi,
Kryetarja e LSI-së Monika Kryemadhi e quajti shqetësuese situatën ekonomike shkaktuar nga masat shtrënguese për parandalimin e koronavirusit. Në një prononcim për median Kryemadhi nënvizoi se kryeministri i facebook duhet të lërë propagandën dhe të marrë situatën në dorë ose në të kundërt të largohet
“Shqetësimi nuk është sot distanca sociale që u imponohet qytetarëve por ekonomia. Janë 60 mijë shqiptarë që në dy muaj kanë humbur vendet e punës. Mbi 1.5 miliardë euro të humbura nga ekonomia shqiptare që nga momenti i shpalljes së paligjshme të gjëndje së jashtëzakonshme dhe do të jetë edhe më e madhe shuma e humbjes ekonomike. Duhet të kthjellohemi dhe të qartësojmë duke nisur nga kryeministri i facebook që të lërë propagadën e tij sepse shqiptarët nuk kanë hallin imazhit e tij dhe as shëtitjet në bulevard por të kthehet e të marrë situatën në dorë të kundërt të largohet. Shqipëria ka shumë gra e burra të mirë që mund ta zëvendësojnë qoftë dhe nga PS”, tha Kryemadhi.
Por si e komenton ajo bisedën mes Damian Gjiknurit dhe ambasadores së SHBA-së në Tiranë, Kim? “Ambasada amerikane ka qenë prezente në çdo mbledhje këshillit politik, bashkëbisedimi mes tyre, jam e bindur se do i ketë kërkuar Damianit që të lëvizë shpejt, se ngërçi kryesor ka qenë nga shumica, se ne i kemi dorëzuar propozimet tona për 5 pikat e OSBE-së, nga 5 propozimet. As kalamajve nuk u shkojmë kaq pas avazit me 5 dëshira”.
Temë kryesore padyshim që ishte aksioni opozitar dhe menaxhimi i pandemisë nga qeveria, tha Kryemadhi. “Sot bëmë një azhonim të gjithë situatës. Krijuam një axhendë dhe strategji të punës së opozitës, pasi është një front opozitar. Update me shifrat dhe të dhënat që kemi nga pandemia dhe situatës absurde dhe të vijojmë me hapat e mëtejshëm të axhendës opozitare. Unë e kam thënë dhe vijoj ta them se e gjithë infrastruktura ndërkombëtare është përfshirë, shqetësimi më i madh nuk është distanca sociale që impnohet, por ekonomia, janë 60 mijë shqiptarë që kanë humbur vendet e punës, nuk kanë fare ushqim. Janë 1.5 mld euro të humbura nga ekonomia nga momenti i shpalljes së paligjshme të shpalljes së gjendjes së fatkeqësisë”, tha Kryemadhi.
