Kryetari i Komunës së Mitrovicës së Jugut, Agim Bahtiri, ka thënë se zbatimi i masave nga qytetarët ka bërë që ky qytet ende të mos ketë asnjë rast të regjistruar me koronavirus.
Ai poashtu ka thënë se dhjetë pjesëtarë të stafit mjekësorë nga kjo komunë kanë dalë negativ.
“Gjithë ekipi mjekësor prej 10 punonjësve i Spitalit të Mitrovicës që e ka trajtuar pacientin e infektuar nga Skenderaj me COVID-19, ka rezultuar negativ në testimin e parë të bërë nga Instituti Kombëtar i Shëndetësisë Publike”, është shprehur ai përmes Facebook.
Postimi i plotë:
• Asnjë rast i konfirmuar me COVID-19 në Mitrovicë •
Gjithë ekipi mjekësor prej 10 punonjësve i Spitalit të Mitrovicës që e ka trajtuar pacientin e infektuar nga Skenderaj me COVID-19, ka rezultuar negativ në testimin e parë të bërë nga Instituti Kombëtar i Shëndetësisë Publike.
Megjithatë, secili prej tyre do të vazhdoj të qendroj në vet-izolim për dy javë në shtëpitë e tyre, me ç’rast do të ju përcjellet gjendja shëndetësore.
Pra, fatmirësisht deri më sot nuk kemi asnjë person të infektuar me COVID-19 nga Mitrovica, që është qyteti i vetëm i madh në Kosovë pa persona që kanë rezultuar pozitiv në testim.
Falënderoj secilin qytetar veç e veç për kujdesin që po tregojnë, duke zbatuar në mënyrë të shkëlqyeshme udhëzimet nga institucionet shëndetësore shtetërore.
Vazhdoni të qendroni në shtëpitë e juaja edhe pak, sepse ditë të mira do të vijnë së shpejti.
