ASOS, një dyqan i njohur online i modës, pret të humbasë rreth 120 milionë kuna për shkak të tërheqjes nga tregu rus, një vendim i marrë nga drejtuesit e kompanisë për shkak të agresionit të Rusisë ndaj Ukrainës.

Kjo përllogaritje pesimiste, siç raporton Daily Mail, vjen pasi kompania tashmë ka humbur 140 milionë kuna, në periudhën gjashtëmujore deri në shkurt të këtij viti. Kjo humbje e madhe ishte për shkak të një ndryshimi në politikat e biznesit me anë të të cilave Asos dëshironte të lidhte klientët e saj me veten në terma afatgjatë.

Kompania thekson se vihet re një trend i dukshëm i rënies së shitjeve, gjë që e shpjegojnë me faktin se gjithnjë e më pak njerëz, për shkak të lehtësimit global të masave pandemike, blejnë online. Përveç kësaj, ata thanë se po ndjejnë efektet e problemeve në rrjetin global të shpërndarjes, prandaj nuk mund të plotësojnë normalisht stoqet me mallra./FrontOnline/