Një zyrtar i lartë i ushtrisë franceze është duke u hetuar për shkelje të sigurisë, ka njoftuar Ministria e Mbrojtjes e Francës.

Radio Europe 1 raportoi se një kolonel lejtnant që ishte duke shërbyer në një bazë të NATO-s në Itali dyshohet se u ka ofruar shërbimeve sekrete ruse dokumente shumë të ndjeshme, shkruan Free Europe.

Ministrja e Mbrojtjes e Francës, Florence Parly, tha se kanë filluar procedurat juridike kundër një zyrtari të lartë të ushtrisë franceze dhe se ushtria i ka marrë masat e nevojshme mbrojtëse pas dyshimeve për këto shkelje.
Vetë ministrja Parly dhe as Ministria e Mbrojtjes nuk kanë ofruar informata më të hollësishme në lidhje me këtë rast.

Raportohet se koloneli është arrestuar nga shërbimet sekrete të Francës para rreth dhjetë ditëve, në kohën kur po përgatitej të kthehej në punë në Itali pas pushimit veror.

Ai është duke u mbajtur në ndalim në Paris, thuhet në njoftimin e radiostacionit.