Tre persona janë arrestuar në Prishtinë në natën e së martës.
Policia i ka arrestuar ata mbi dyshimet se kanë rrëmbyer një vajzë në Lipjan.
Arrestimi i tyre është bërë në bulevardin “Xhorxh Bush”, afër objektit të Rektoratit të Universitetit të Prishtinës.
Zëdhënësi i Policisë së Kosovës, Daut Hoxha, ka thënë për Gazetën Express se pasi kanë marrë informacione, kanë ndaluar një veturë, brenda të cilës ndodheshin tre të dyshuar dhe një vajzë.
” Policia ka pranuar informaten se dyshohet qe nje person (femer) eshte rrembyer ne Lipjan dhe te dyshuarit kane levizur me nje veture ne drjetim te Prishtines. Njesitet policore, konkretisht ato per reagim te shpejt të rajonit te Prishtines, menjeher pas pranimit te kesaj informate kane arrit qe ta identifikojne dhe para pak qastesh ne rr. Xhorxh Bush ne Prishtine e kane ndaluar veturen e dyshime, me qrast 3 persona te dyshuar dhe nje femer e moshes se re eshte shoqeruar ne Polici per verifikime te metejme dhe sqarim nese behet fjale per ndonje veprim te kunderligjshem. Eshte njoftuar edhe stacioni policor ne Lipjan te cilet do te asistojne ne trajtimin dhe sqarimin e rrethanave te metejme lidhur me rastin”, ka thënë Hoxha.
