×
  • Lajme
  • Lajme

    Ankesat për bartjen e maskës, Drejtori i policisë: Sot flasim me Ministrinë dhe IKSHKP-në

    FrontOnline
    04 Shtator 2020

    Bartja e maskës në rrugë kur ka pak njerëz dhe makinë kur vozitësi është vetë apo i shoqëruar nga familjarët, shumë shpejt mund të mos jetë e detyrueshme. Një propozim i tillë i ka shkuar Ministrisë së Shëndetësisë dhe IKSHP’së nga Bordi i kryesuar nga mikorobiologu Lul Raka.

    Masat që ka vendosur Qeveria e Kosovës për të parandaluar përhapjen e virusit COVID-19, nuk po iu duken të arsyeshme qytetarëve. Ata po kundërshtojnë mbajtjen e maskës në ambiente të hapura ku nuk ka shumë njerëz.

    Po ashtu, e paarsyeshme po cilësohet mbajtja e maskës në veturë, kur është vetëm vozitësi, apo edhe kur është i shoqëruar nga familjarët. Ani se në vendimin e MSh’së thuhet se vendosja e maskës kur në veturë je i shoqëruar nga familjarët, nuk është e nevojshme, qytetarët po thonë se po gjobiten nga policia.

    Por për vendet ku duhet të vendoset e ku jo, ende po haset në paqartësi.

    Qytetarët të cilët nuk e kanë të vendosur maskën derisa janë në veturë, edhe në rastet kur janë vetëm, po dënohen nga policia.

    Ata po dënohen edhe kur janë me familjarët e tyre.

    Drejtori i Përgjithshëm i Policisë së Kosovës, Rashit Qalaj, në një përgjigje për Express ka thënë se do të rishikohet vendimi për vendosjen e maskës në hapësira ku nuk ka frekuentim të madh të njerëzve.

    “Për momentin e kemi obligim mbajtjen e maskës. Ne po i zbatojmë vendimet e Qeverisë. Po i shikojmë të gjitha udhëzimet që i kemi nga ministria dhe Instituti dhe po i bëjmë udhëzimet për policët. Ne nuk mund të bëjmë asnjë ndryshim nëse nuk na vjen ndonjë vendim nga ministria dhe Instituti”, ka deklaruar Qalaj.

    Qalaj ka deklaruar se do të rishikohen vendimet të cilat përcaktojnë ku duhet të vendoset maska e ku jo.

    “ Te premten kemi një takim, do të rishikohen në konsultim me Ministrinë e Shëndetësisë dhe Institutin Kombëtar të Shëndetësisë Publike të Kosovës”, ka thënë Qalaj.

    Vendosja e maskës në natyrë, në veturë kur je vetëm apo me anëtarët e familjes, nuk është e arsyeshme edhe sipas mikrobiologut Lul Raka.

    Ai ka thënë se nuk duhen dënuar personat të cilat nuk mbajnë maskë në veturë apo në natyrë, ku nuk ka frekuentim të madh të njerëzve tjerë.

    “Nuk duhet dënuar kur je në veturë, as në ambient të jashtëm (në natyrë) kur je vetëm apo me familje”, ka deklaruar Raka.

    Raka i cili është kryesues i Bordit Këshillëdhënës për luftën kundër COVID-19, ka thënë se ky bord ka hartuar një dokument të cilin ia ka dërguar Ministrisë së Shëndetësisë dhe Institutit Kombëtar të Shëndetësisë Publike të Kosovës, për shqyrtim.

    Rastet kur duhet të vendoset maska e kur jo, sipas rekomandimeve që Bordi Këshillëdhënës kundër COVID-19 i ka dërguar në MSh dhe IKSHP:

    Bartja e maskës është bërë e obligueshme që nga data 14 korrik, si masë mbrojtëse nga COVID-19.

    Të gjithë personat që nuk e respektojnë këtë vendim të Qeverisë së Kosovës, dënohen me 35 euro gjobë.

    Nga Rubrika
    Bota/Rajoni21 Gusht 2025
    Policia e Shtetit në Shqipëri ka shpëtuar të enjten tre turistë që po rrezikonin të mbyteshin në thellësi në plazhin e Velipojës....
    Bota/Rajoni21 Gusht 2025
    Kryeministrja italiane Giorgia Meloni ka propozuar një garanci sigurie pas luftës që do t’u kërkonte aleatëve të Ukrainës të vendosnin brenda 24...
    Bota/Rajoni21 Gusht 2025
    Një valë e pazakontë detare ka goditur sot Plazhin e Madh të Ulqinit, duke shkaktuar përmbytje të pjesshme në disa nga plazhet...
    Të tjera
    Lajme21 Gusht 2025
    Kryetari i Nismës Socialdemokrate, Fatmir Limaj, ka folur për mundësinë e votimit të kryeparlamentarit nga radhët e Lëvizjes Vetëvendosje. Në këtë pikë,...
    Lajme21 Gusht 2025
    Hajdar Beqa, ish-deputet i Partisë Demokratike të Kosovës, ka njoftuar se PDK në Gjakovë ka formuar Shtabin Zgjedhor për zgjedhjet e 12...
    Lajme21 Gusht 2025
    Pesë persona kanë mbetur të lënduar në një aksident trafiku që ka ndodhur të enjten mbrëma në rrugën Prishtinë–Podujevë, në fshatin Lupç....
    Lajme21 Gusht 2025
    19 vjeçari, Fatlum Gashi, që u aksidentua ditë më parë në Llapushnik nuk ka arritur t’u mbijetojë plagëve. Ai është ndarë sonte...
    Lajme21 Gusht 2025
    Disa fshatra të Komunës së Klinës janë përfshirë nga zjarret. Flakët kanë shkaktuar dëme të konsiderueshme materiale. Lidhur me gjendjen, detaje ka...
    Sport21 Gusht 2025
    Pas 45 minutave të para në “Fadil Vokrri”, Drita po kryeson ndaj Differdange me rezultatin 1-0 në play-off të Ligës së Konferencës....
    -->

    FrontOnline, © 2025 Të gjitha të drejtat e rezervuara.