Teksa kampionët e Spanjës po përgatiten për një ofertë të tillë rekord, trajneri Carlo Ancelotti ka deklaruar se do ta “kuptonte” nëse Vinicius do të vendoste të transferohej në Arabinë Saudite.
Megjithatë, italiani beson se 24-vjeçari do të zgjedhë lavdinë me Realin në vend të pasurisë në Lindjen e Mesme.
Duke folur në konferencë për media, Ancelotti tha: “Unë e kuptoj gjithçka në futboll. E kuptova edhe vendimin e Toni Kroos për t’u tërhequr nga futbolli (verën e kaluar). Shumë njerëz nuk e kuptuan, por unë po. I kuptoj të gjitha”.
“Këto janë vendime individuale. Por, nga ajo që shoh, lojtari (Vinicius) duket i lumtur dhe i emocionuar për të qëndruar këtu dhe për të fituar trofe me Real Madridin. Mendoj se ai po mendon të zgjedhë lavdinë”.
Real Madridi do të rikthehet në fushë të mërkurën (sonte), kur do të përballet me Brest në ndeshjen e fundit të fazës së grupeve të Ligës së Kampionëve, në transfertë. /Telegrafi/