Lajme

Abdixhiku: Adem Mikullovci ishte njëri ndër deputetët më të dashur të Kuvendit

Abdixhiku: Adem Mikullovci ishte njëri ndër deputetët më të dashur të Kuvendit
10:44 | 15 Shtator 2020

Ish-ministri i Infrastrukturës, Lumir Abdixhiku, ka reaguar pas vdekjes së aktorit të madh, Adem Mikullovci.

Në një shkrim të tij, Abdixhiku, ka kujtuar Mikullovcin, përmes një thënie të Azem Shkrelit, në të cilën thuhet:

“Sikur të takoheshim me vetveten sy më sy, do të putheshim apo kishim për t’u pështy?”Ish-ministri Abdixhiku, ka folur edhe për Mikullovcin politikan, duke thënë se atë e kujton si njërin nga deputetët më të dashur që ka patur Kuvendi i Kosovës.

Shkrimi i plotë nga Abdixhiku:“Sikur të takoheshim me vetveten sy më sy, do të putheshim apo kishim për t’u pështy?”

Me këto rreshta të Shkrelit, Adem Mikullovci si më i moshuari në Kuvend, kishte hapur seancën konstituive në gusht të 2017-ës; kur për herë të parë bëhesha deputet. Vështirë të gjeje diçka më të thellë, u thash kolegëve përreth.

Adem Mikullovcin e kujtoj si njërin nga deputetët më të dashur që ka patur Kuvendi i Kosovës ndonjëherë. Përveç se ishte i afërt, e i dashur, e i drejtë – ishte “jack”. Vinte në zyren time prej deputeti shpesh. Me të mund të flisje për art, për letërsi, për shkencë e muzikë, për shah, për shah shumë – ishte enciklopedi.Perdja e Adem Mikullovcit ra. Por dilemën e takimit me veten e ka të zgjidhur lehtë. Sot humbëm një aktor, intelektual e politikan të rrallë. Ngushëllime familjes e bashkëpunëtorëve”.

Përfito FALAS një pushim për çift në Budva

Të tjera