AAK në konak i thotë Lajçakut se SHBA duhet ta udhëheqë dialogun

I dërguari i Posaçëm i BE-së për dialogun Kosovë-Serbi, Miroslav Lajçak, në kuadër të vizitave nëpër parti ka qëndruar edhe në AAK ku është pritur nga përfaqësuesit e kësaj partie në Qeveri.

Ministri i Drejtësisë, Selim Selimi, tha se partia e tij i ka prezantuar Lajçakut pozicionin për nbjë marrëveshjeve gjithëpërfshirëse që duhet të përfundojë me njohje reciproke.

Në takimin me emisarin e europianëve, AAK ka thënë se ka pasë lëkundje të besimit në BE “për shkak të qëndrimeve ndryshe” brenda unionit duke theksuar se ish-kryeministri Ramush Haradinaj ka qenë këmbëngulës që SHBA të udhëheqë dialogun.

“Në takim me të dërguarin e Posaçëm të BE-së, Miroslav Lajčák, prezentuam përkushtimin e AAK-së për procesin e dialogut dhe qëndrimin e pandryshuar për arritjen e marrëveshjes gjithëpërfshirëse ligjërisht obligative, e cila duhet të rezultojë me njohje reciproke në kufijtë ekzistues. Roli aktiv i SHBA-së në dialog, për të cilin ka qenë i zëshëm dhe këmbëngulës në vazhdimësi kryetari Haradinaj, ka rritur shpresat që dialogu Kosovë-Serbi, i zgjatur për një dekadë, do të finalizohet me njohje reciproke në kufijtë ekzistues. Për shkak të qëndrimeve të ndryshme përbrenda BE-së në lidhje me ndryshimin e territoreve, ka ndodhë një lëkundje e besimit”.

“Megjithatë, Aleanca përshëndet angazhimin e BE-së në dialog, nën udhëheqje të SHBA-së. Në kuadër të takimit, ritheksuam, se BE para së gjithash, pas plotësimit të të gjitha kritereve, Kosovës t’i japë një vendim të shpejtë për heqjen e regjimit të vizave”.

Kush janë parakushtet efektivitetit dhe efiçiencës?

Sponsoruar