Kreu i Lidhjes Demokratike të Kosovës, Lumir Abdixhiku, i është kundërpërgjigjur kryeministrit, Albin Kurtit.
Abdixhiku i është drejtuar Kurtit duke thënë se nuk e ka barrën se kanë vdekur njerëzit për kauzën e tij politike e as se ka rrezikuar jetën e njerëzve.
“Kryeministër nëse mendon që më qet prej taktit e më nervozon gabohesh rëndë, unë kur shikoj vetën në pasqyrë nuk e kam barrën që kanë vdes njerëzit për kauzën time politike.Nuk e kam barrën që e kam kallën Kosovën për një kauzë që sot e kam shkel, nuk e kam barrën e kauzës që i kam quaj njerëzit tradhtarë dhe e kam rreziku jetën e tyre, e as që i kam hëngër të gjitha qershiat një e nga një”, tha Abdixhiku.
Abdixhiku, mes tjerash, tha se po shijon secilin moment se si Kurti po e rrezikon të ardhmen e vendit.
“Nuk e kam barrën që kam rrezikuar të ardhmen e vendit, dhe kjo është brengë e jotja dhe po shijoj çdo moment të saj të të them të drejtën . po e shijoj se si e ballafaqon kauzën tënde dhe këtë pozicion të padinjitetshëm”, tha Abdixhiku.