Komuna e Prishtinës me qëllim të përmirësimit të shërbimit të transportit publik dhe inkurajimit të qytetarëve për përdorimin e autobusëve, nga 40 cent, sa ishte pagesa për të lëvizur me autobusët e tyre u bë 50 cent.
Ky shtrenjtim për 10 cent dikujt nuk po i duket shumë.
“Nuk është shumë unë për veti e arsyetoj nuk është shtrenjtë 50 cent”, ka thënë një qytetarë.
Por kështu nuk mendojnë edhe të tjerë udhëtar. Bile thonë se shtrenjtimi i tyre po bëhet në kohën më të papërshtatshme.
“Me llogarit situatën me çfarë rrogash jena, shumë shtrenjtë është”, ka thënë një qytetarë tjetër.
Derisa për t’iu përshtatur nevojave të të gjithë qytetarëve në planin tarifor u përfshinë biletat javore dhe ditore shumëpërdorimëshe.
Ato ditore që përfshijnë udhëtime vajtje-ardhje pa limit përgjatë 24 orëve kanë çmimin 80 cent, kurse ajo javore kushton 4 euro.
Plani i ri tarifor do të aplikohet nga data 31 janar 2023./Klankosova.tv
