Policia ka arrestuar një të ri, të dyshuar për vendosjen e eksplozivit në banesën e kreut të Federatës Shqiptare të Futbollit, Armand Duka.
Policia thotë se ka arrestuar Arlen Hasanaj, banor i lagjes 4 të Durrës, lagje ku banon dhe kreu i FSHF-së.
Ngjarja ndodhi mbrëmjen e së hënës, ku i riu u filmua nga kamerat e sigurisë në momentin e vendosjes së një sasie shpërthyese pranë portës së banesës së kreut të FSHF-së.
Në pamje duket një person me kapuç dhe me maskë deri tek pjesa e syve që sapo vendos një pako në derën e banesës largohet me shpejtësi.
Sipas policisë në banesën e presidentit të FSHF, Armand Duka janë vendosur rreth 200 gramë lëndë plasëse e përpunuar me fitil zjarrpërcjellës. /Euronews.al