Komuna e Prishtinës më 21 korrik të këtij viti ka filluar me realizimin e testeve serlogjike, ku janë duke zhvilluar 3 hulumtime për të pasur një pasqyrë se sa është shkalla e infektimeve në popullatë dhe imunitetin e krijuar, raporton Front Online.
Drejtori i Shëndetësisë, Bujar Gashi ka konfirmuar se deri tani janë kryer 700 testime në 3500 qytetarë, ku janë realizuar 2 testime, kurse janë duke u kryer rreth 200 testime në ditë.
“Zyrtarisht kemi filluar me datën 21 korrik deri tani kemi realizuar rreth 3500 testime serologjike, praktikisht rreth 7000 testime në 3500 qytetarë pasi janë realizuar 2 testime, imonuglobina M dhe G. Ka shkuar shunë mirë 3 javët e para kemi punuar në kapacitet rreth 100 testime në ditë tani kemi kaluar në 200 testime në ditë, ku shumica prej tyre janë qytetarë të cilët i kanë pasur simptoma ose të cilët nuk kanë mund me u testu me PCR”, ka thënë Gashi, për Front Online.
