Ngjarje shokuese është ajo me të cilën është zgjuar Korfuzi mëngjesin e sotëm.

Mediat greke bëjnë me dije se një foshnjë katër muajshe humbi jetën pasi e ëma e la të flinte me një biberon në gojë.

Bëhet e ditur, se pasi mësoi se çfarë i ndodhi fëmijës, nëna u përpoq të bënte vetëvrasje.

30-vjeçarja thuhet se u përpoq të hidhej nga ballkoni i dhomës së saj, por stafi i hotelit arriti ta shpëtonte në minutën e fundit.

E reja ndodhet në spital duke marrë ndihmë psikologjike pasi është në gjendje shoku nga humbja e fëmijës. Ditën e nesërme do të bëhet një ekzaminim mjeko-ligjor për të përcaktuar shkakun zyrtar të vdekjes së fëmijës.