Policia e Kosovës, Stacioni Policor në Istog, më 15 gusht u informua nga njё qytetar, se nё bjeshkёn Mokna janё duke u dёgjuar tё shtёna me armё zjarri.
Pas kësaj Njësitet Policore tё Stacionit Policor Istog iu kanё përgjigjur rastit dhe me tё arritur nё vendngjarje në vendin e quajtur “Savina Voda”, në bjeshkёn Mokna në Istog, kishin arrestuar katër persona dhe konfiskuar arsenal armësh.
Personat e arrestuar janë: R.K. i lindur më 1972 në fshatin Zubqe- Zubin Potok, P.L. i lindur më 1984 nga Mitrovicё, G.M. i lindur më 1971 në Mitrovicё, dhe M.U. i lindur më 1993 në Zubin Potok.
Policia atyre u kishte gjetur dhe konfiskuar: 1 pistoletë e tipit M57 me 1 karikator dhe 24 fishekë, 1 pistoletë e tipit CZ99 me 2 karikatorë dhe 15 fishekë, 1 pushkë automatike e tipit AK47 me 2 karikatorë dhe 92 fishekë, 1 pushkë (karabinë) me një gëzhojë të shkrepur nga pushka e njëjtë, 1 pushkë gjuetie me 14 fishekë.
Burgime të Gazetës Online “Reporteri.net” brenda Shërbimit Korrektues të Kosovës kanë bërë të ditur se katër serbët janë transferuar për në qendrën e paraburgimit në Mitrovicën e Veriut.
Ndërsa zëdhënësja e Gjykatës Themelore në Pejë, Tringa Zhuti, ka konfirmuar për Reporteri.net se të pandehurve u është caktuar masa 30 ditë paraburgim.
“Të pandehurve iu është caktuar masa e paraburgimit ne kohëzgjatje prej tridhjete ditësh. Se në cilën Qendrën të Paraburgimit dërgohen vendos Shërbimi Korrektues i Kosovës, gjykata me vendim e cakton vetëm masën”, ka deklaruar Zhuti.
