Një aksident trafiku ka ndodhur të dielën, ku si pasojë e përplasjes së motoçikletës me veturën ka humbur jetën motoçiklisti, raporton Front Online.
Policia ka dhënë detaje rreth këtij aksidenti.
Sipas policisë, deri te aksidenti ka ardhë kur motoçikleta tenton të bënë tejkalim nga ana e majtë automjetin që gjendet po në të njëjtin shirit me ç ‘rast e godet veturën nga mbrapa dhe me pas përplaset për mbrojtëset anësore.
“Raportohet se ka ndodhur aksident trafiku në mes të një motoçiklete që drejtohej nga viktima mashkull kosovar dhe një veture qe drejtohej nga i dyshuari mashkull kosovar. Deri te aksidenti ka ardhe kur motoçikleta tenton të bënë tejkalim nga ana e majtë automjetin që gjendet po në të njëjtin shirit me ç ‘rast e godet veturën nga mbrapa dhe me pas përplaset për mbrojtëset anësore. Si pasoje ngasësi i motoçikletës humb jetën. Në vendin e ngjarjes kane dalur njësitet policore ndërsa trupi i pa jete i viktimës është marre nga Mjekësia Ligjore, me vendim të prokurorit një person i dyshuar dërgohet në mbajtje, për procedura tjera”, thuhet në raportin e Policisë.
