Ministrja e Punëve të Jashtme dhe Diasporës, Meliza Haradinaj-Stublla, sot ka shkuar për një vizitë në Mal të Zi.

Haradinaj-Stublla ka thënë se Kosova do të angazhohet në avancimin e pozitës të shqiptarëve në Mal të Zi.

“Këshilli Kombëtar i Shqiptarëve, kudo ka bashkatdhetarë, mbetet adresa e unifikimit. Me gjithë vëmendjen time, unë sot dëgjova dhe bashkëndjeva me sfidat tona kombëtare”.

“E falënderova z. Faik Nika dhe Këshillin për kontributin e pashoq në lartësimin e vlerave tona në kohëra të vështira dhe tash në kohë vendimtare. Si Republikë e Kosovës, do të angazhohemi në avancimin e pozitës së merituar të shqiptarëve në Mal të Zi”, ka shkruar Haradinaj-Stublla në rrjetin social Facebook.