×
  • Bota/Rajoni
  • Bota/Rajoni

    Virologia kineze që u arratis nga Hong Kongu: Kina mbuloi shpërthimin e koronavirusit

    FrontOnline
    11 Korrik 2020

    “Qeveria kineze mbuloi shpërthimin e koronavirusit”, kështu shprehet një virologe kineze, e cila thotë se është detyruar të arratiset nga Hong Kongu sepse e di mirë se si i trajtojnë atje ata që thonë të vërtetën.

    Dr Li-Meng Yan, e specializuar në virologji dhe imunologji në shkollën e Shëndetit Publik në Hong Kong, thotë për “Fox News” se Pekini e dinte për novelën e koronavirusit para se ta bënte atë zyrtare.

    Ajo beson se hulumtimi i saj për koronavirusin ka mundur të shpëtojë jetë njerëzish, madje ka rrezikuar jetën e saj duke ikur për në SHBA për të treguar rrëfimin e saj, duke ditur se ekzistojnë shumë pak gjasa që ajo mund të rikthehet në Hong Kong. Ajo ende beson se së bashku me kolegët e saj e kanë për obligim t’i tregojnë botës për hulumtimin e saj – por deri më tani asnjë veprim nuk është ndërmarrë lidhur me këtë.

    Yan thotë se ishte një nga shkencëtaret e para që ka studiuar koronavirusin që më pas u bë i njohur si COVID-19, dhe madje pretendon se në fund të dhjetorit të vitit të kaluar i është kërkuar nga mbikëqyrësit në Universitet – Dr. Leo Poon – të hulumtojë copëza të pazakonta të ngjashme me ato të SARS-it në Kinë.

    “Kina ka refuzuar t’i lejojë ekspertë nga jashtë vendit përfshirë edhe ata nga Hong Kong të kryejnë hulumtime në Kinë”, tha ajo për Fox News, duke shtuar se kjo e bëri edhe më kurioze për të kërkuar nga miqtë më shumë informata.

    Një miku i saj shkencëtar në Qendrën për Kontroll dhe Parandalim së Sëmundjeve në Kinë, i kishte dhënë informacione të dorës së parë lidhur me atë që po ndodhte në Wuhan.

    Ai i kishte treguar për një virus që bartet nga një njeri tek tjetri, pak kohë para se Kina dhe OBSH të pranonin për ekzistencën e COVID-19. E kur i tregoi mbikëqyrësve se çfarë i kishte treguar një mik, ata e kishin urdhëruar që të vazhdojë me hulumtimin e saj.

    Më 9 janar, OBSH’ja lëshoi një komunikatë në të cilën thuhet se “sipas autoriteteve kineze, virusi mund të shkaktojë disa sëmundje tek disa pacientë dhe nuk bartet shpejtë nga një njeri te tjetri. Pas këtij momenti, personat që e informonin filluan të heshtin në veçanti ata në Ëuhan, derisa disa të tjerë e këshillonin që të mos bisedojë për këtë.

    Megjithatë, një nga burimet e saj i kishte thënë se numrat e rasteve të bartjes së virusit nga një njeri te tjetri po rriten me shpejtësi të madhe, por kur këto gjetje i raportoi të mbikëqyrësit asaj i thanë të heshtë dhe të jetë e kujdesshme.

    “Ata më paralajmëruan që të mos e prek vijën e kuqe”, tha Yan për “Fox News” duke iu referuar qeverisë kineze, ku ndër tjera i thanë se “do të futet në telashe dhe se do të zhduket”.

    Nga Rubrika
    Bota/Rajoni15 Korrik 2025
    Bashkimi Evropian po kërkon përditësime nga Izraeli për zbatimin e një marrëveshjeje të re për të dërguar ndihma humanitare në Rripin e...
    Bota/Rajoni15 Korrik 2025
    Kryeministri i Ukrainës, Denys Shmyhal, ka njoftuar se ka dorëzuar letrën e dorëheqjes, si pjesë e një ndryshimi të madh qeveritar që...
    Bota/Rajoni15 Korrik 2025
    Zyra e të Drejtave të Njeriut e Kombeve të Bashkuara (OHCHR) ka njoftuar të martën se ka regjistruar të paktën 875 vrasje...
    Të tjera
    Lajme15 Korrik 2025
    Në muajin maj në Kosovë kanë lindur 2 mijë e 364 fëmijë. Prej 2 mijë e 364 fëmijëve të lëndur gjatë këtij...
    Lajme15 Korrik 2025
    641 çifte në Kosovë janë divorcuar nga janari i vitit 2025 deri në maj të po këtij viti. Në bazë të dhënave...
    Lajme15 Korrik 2025
    Armend Zemaj deputet i Grupit Parlamentar të Lidhjes Demokratike të Kosovës (LDK), ka thënë se shuarja e Ministrisë së Punës dhe Mirëqenies...
    Bota/Rajoni15 Korrik 2025
    Zyra e të Drejtave të Njeriut e Kombeve të Bashkuara (OHCHR) ka njoftuar të martën se ka regjistruar të paktën 875 vrasje...
    Lajme15 Korrik 2025
    Ramush Haradinaj, ka pritur në takim në zyret e AAK-së, emisaren speciale britanike, Karen Pierce. Dyshja siç bëri të ditur i pari...
    Lajme15 Korrik 2025
    Ish-ndihmësi i sekretarit amerikan të Shtetit, Daniel Fried, thotë se, edhe nëse administrata e presidentit amerikan, Donald Trump, nuk është plotësisht e...
    -->

    FrontOnline, © 2025 Të gjitha të drejtat e rezervuara.