Policia e Hong Kongut i ka bërë arrestimet e para sipas një ligji të ri që u miratua në Pekin. Arretimet u bënë gjatë shënimit të 23-vjetorit të përfundimit të kontrollit britanik në qytetin me autonomi.
Gjatë këtij tubimi i arrestuan shtatë persona me arsyetimin se e kanë shkelur ligjin e ri. Në mesin e të arrestuarve ishte një burrë që mbante në dorë një flamur për pavarësinë e Hong Kongut. Rreth 200 persona të tjerë u ndaluan në një tubim.
Ligji i ri për sigurinë kombëtare i ka për shënjestër përpjekjet për shkëputje, përmbusje të sistemit dhe terrorizëm. Personat që shpallen fajtorë për këto akuza mund të dënohen me burgim të përjetshëm, shkruan “BBC”.
Aktivistët thonë se ligji i ri e cenon lirinë, por Kina i ka kundërshtuar këto kritika.
Kontrolli ndaj Hong Kongut kishte kaluar nga Britania e Madhe te Kina në vitin 1997, sipas një marrëveshje që garantonte të drejta të caktuara për së paku 50 vjet.
Para përhapjes së pandemisë, Hong Kongu ishte përballur me protesta të vazhdueshme që mbaheshin në fundjavë për disa muaj rresht.
