Një aksident automobilistik ka ndodhur pasditen e sotme në kryeqytet. Një motor është përplasur me një makinë në zonën e “Unazës së Re”.

Nga incidenti kanë mbetur të plagosur dy persona, të cilët për momentin ndodhen në spital duke marrë trajtimin e nevojshëm mjekësor. Policia shkoi menjëherë në vendngjarje për të bërë zbardhjen e plotë të ngjarjes.

Dhjetëra qytetarë janë mbledhur rreth të plagosurve për të kontribuuar sado pak, edhe shihet që gjendja e tyre është e rëndë. Në vendngjarje, pas disa minutash, për shkak të trafikut të rënduar që ka në këtë zonë, kanë mbërritur tre ambulanca.