Brazili vijon të jetë në ditët më të këqija. Autoritetet shëndetësore në vend kanë konfirmuar gjatë 24 orëve të fundit 46,860 raste të reja me koronavirus.
Rastet e reja e çuan në 1,274,974 numrin e përgjithshëm të personave të infektuar me Covid-19 në shtetin më të madh të Amerikës Jugore. Po ashtu janë shënuar 900 viktima.
Sao Paulo, rajoni me popullsinë më të madhe në Brazil dhe epiqendra e përhapjes së virusit, i ka regjistruar gati 260,000 të infektuar dhe rreth 14,000 të vdekur, sipas sekretarit shtetëror të Shëndetësisë.
Rio de Janeiro i ka shënuar mbi 108,000 persona të infektuar dhe së paku 9,500 viktima.
